Lada Kalina

Зьвесткі зь Вікіпэдыі — вольнай энцыкляпэдыі
Перайсьці да навігацыі Перайсьці да пошуку
Lada Kalina
Lada Kalina sport 1.4 MosIAS 26 08 2008.jpg
Агульныя зьвесткі
ВытворцаАЎТАВАЗ
Гады вытворчасьці з 2004
Зьнешні выгляд
Кляса легкавы аўтамабіль
Кампанаваньне пярэднематорнае, пярэднепрывадное
Колькасьць дзьвярэй
Сілавы блёк
Рухавік Бэнзынавы рухавік унутранага згараньня
Прывад
Габарыты
Колавая база 2476 мілімэтар
Шырыня 1700 мілімэтар
Маса 1080—1585
Максымальная хуткасьць 165
Гісторыя
Папярэднік ВАЗ-2103
Наступнік LADA Granta

Lada Kalina (Лада Каліна) — сямейства расійскіх аўтамабіляў. Выпускаецца ААТ «АЎТАВАЗ» з 18 лістапада 2004 году.

Завод-вытворца з 2004 году ўжывае назву гандлёвае маркі аўтамабіля, які паступае на расейскі рынак, у лацінскім напісаньні[1], аднак Урад Расеі ў сваіх заканадаўчых актах і органы дзяржаўнае рэґістрацыі прытрымваюцца напісаньня назвы аўтамабіля ў кірылічным выглядзе[2].

Гісторыя стварэньня[рэдагаваць | рэдагаваць крыніцу]

Распрацоўка аўтамабіля распачата «Аўтавазам» у 1993 годзе. У 1998 годзе праектаваны аўтамабіль атрымаў назву «Лада Каліна». Прататыпы дэманстраваліся ў 1999 — хэтчбэк, у 2000 — сэдан і ў 2001 — унівэрсал.

Гісторыя вытворчасьці[рэдагаваць | рэдагаваць крыніцу]

18 лістапада 2004 году пачалася вытворчасьць аўтамабіляў з кузавам сэдан. 21 ліпеня 2006 году пачата зборка аўтамабіля Lada Kalina хэтчбэк (4 жніўня адбыўся продаж першага аўтамабіля).

У ліпені 2007 году пачалася вытворчасьць «Лады Каліны» з новым 16-затамкавым рухавіком аб’ёмам 1,4 літру, а ў верасьні таго ж году АЎТАВАЗ прыступіў да выпуску мадэлі з АБС.

У жніўні 2007 году выпушчаны першы аўтамабіль Lada Kalina унівэрсал. Тады ж з-за дэфэкту ў рулявой калёнцы прыйшлося адклікаць 6200 аўтамабіляў, вырабленых у сьнежні 2005 — студзені 2006 (яны былі адрамантаваны дылерам Аўтаваза кампаніяю «Бранск-Лада»).

З-за дэфэкту ліцьця картара рулявога мэханізму АЎТАВАЗ адклікаў 171 аўтамабіль мадэлі Lada Kalina, якія былі выпушчаны 24—25 траўня 2006 году. Акрамя таго, АЎТАВАЗ адклікаў 8400 аўтамабіляў Lada Kalina з-за дэфэктаў апораў рухавіка[3].

За два гады было сабрана 80 000 аўтамабіляў, сутачны тэмп зборкі — 335 штукаў. У 2007 плянавалася выйсьці на тэмп вытворчасьці 145 тыс. у год.

У траўні 2007 году падчас наведваньня Аўтаваза Уладзімір Пуцін (у той час — прэзыдэнт Расіі) зьдзейсьніў выпрабавальную паездку на Ладзе Каліне на выпрабавальным трэку. Па яго словах, ён здолеў разьвіць хуткасць 120 кілямэтраў у гадзіну[4].

Па дадзеных камітэта аўтавытворцаў Асацыяцыі эўрапейскага бізнэсу (АЭБ) за 2009 год, сямейства Lada Kalina займае 4 месца ў рэйтынгу самых папулярных мадэляў у Расіі. У 2009 годзе рэалізавана 60746 аўтамабіляў.[5]

У сярэдзіне ліпеня 2010 году, падчас канфэрэнцыі маркетолягаў «Автоваза», кіраўнік праграмы бюджэтных аўтамабіляў канцэрна Васіль Баішчаў заявіў, што апроч сталае мадэрнізацыі сямейства Lada Kalina (у прыватнасьці, у 2010 годзе ў вытворчасьць пайшоў чорны «базальтавы» інтэр’ер, а частка камплектацыяў сталі дапаўняць штатнаю аўдыёсыстэмаю) завод да 2012 году рыхтуе сур’ёзнае абнаўленьне камплектацыяў і вонкавы рэстайлінг для ўсяго сямейства.[6]

1 траўня 2011 году прэс-служба Аўтаваза заявіла, што завод спыняе выпуск аўтамабіля Lada Kalina ў кузаве сэдан, замяніўшы яго новым бюджэтным аўтамабілем Lada Granta[7][8].

За першыя пяць месяцаў 2011 году (студзень-травень) Lada Kalina заняла першае месца па колькасьці прададзеных у Расіі аўтамабіляў (59 249 штукаў).[9]

У ліпені 2011 году Ігар Камароў, кіраўнік Аўтаваза, паведаміў што, у жніўні 2012 году пачнецца зборка аўтамабіляў Lada Kalina з аўтаматычнаю каробкаю перадачаў.[10]

Апісаньне аўтамабіля[рэдагаваць | рэдагаваць крыніцу]

Рухавік аўтамабіля Lada Kalina разьлічаны на бэнзін з актанавым лікам 95. Аднак на васьміклапанных рухавіках аб’ёму 1.6 л дапушчаецца, але не абумаўляецца заводам-вытворцам, ужываньне бэнзіну з актанавым лікам 92.

У выніку даводкі аэрадынамічныя характарыстыкі аўтамабіляў сямейства Lada Kalina атрымалася атрымаць наступныя парамэтры каэфіцыента аэрадынамічнага супраціву[11]:

  • сэдан Lada Kalina ў камплектацыі «норма» С=0,378
  • сэдан Lada Kalina ў камплектацыі «люкс» С=0,347

Мадэлі сямейства камплектуюцца 13- ці 14-цалевымі коламі на штампаваных дысках ці 14-цалевымі лёгкасплаўнымі. Lada Kalina Sport з рухавіком аб’ёмам 1,6 літра камплектуецца коламі з лёгкасплаўнымі дыскамі 15".

Сярод адзначаных спажыўцамі недахопаў аўтамабіля — шумнасьць рухавіка і вібрацыі пры 2000 зваротах, вібрацыі на КПП, вібрацыі на халастым ходу[12]. Пазьней зьявілася інфармацыя, што большасьць з гэтых недахопаў у новых мадэлях былі выпраўлены[13]. Да добрых якасьцяў аўтамабіляў гэтага сямейства можна аднесьці: прасторны салён для сваёй клясы, выдатную абзорнасьць, калянасьць кузава, добрую гэаметрычную праходнасьць, вялікую колькасьць колераў і камплектацыяў (у тым ліку ABS (EBD), кліматычная сыстэма, дзьве падушкі бясьпекі, поўны электрапакет, аўдыёпадрыхтоўка).З пачатку 2011 году ўсе мадэлі сямейства LADA kalina камплектуюцца электроннаю педальлю газу (E-газ).

Мадэлі[рэдагаваць | рэдагаваць крыніцу]

  • Lada 1118 (сэдан) базавая мадэль, якая выпускалася з 18 лістапада 2004 году. Выпуск прыпынены ў сакавіку 2009 году[14], адноўлены з верасьня 2009. 1 траўня 2011 году выпуск гэтае мадэлі спынены[15].
  • Lada 1119 (хэтчбэк) — выпускаецца з канца 2006 году;
  • Lada 1117 (унівэрсал) — выпускаецца з 26 сьнежня 2007 году;
  • Лада Каліна Sport (хэтчбэк) — спартовая вэрсія Lada 1119, выпускаецца зь сярэдзіны 2008 году.

Фатаграфіі[рэдагаваць | рэдагаваць крыніцу]

У аўтаспорту[рэдагаваць | рэдагаваць крыніцу]

У 2005—2011 гадах сталы ўдзельнік клясы «Нацыянальнай» і «Турынг Лайт» Расійскае гоначнае сэрыі RTCC.

У гульнявой і сувэнірнай індустрыі[рэдагаваць | рэдагаваць крыніцу]

Маштабная мадэль базавага сэдана ВАЗ-1118 у маштабе 1:43 у Расіі не вырабляецца, але выпушчана кітайскімі вытворцамі Hongwell/Cararama.

Дадатковыя зьвесткі[рэдагаваць | рэдагаваць крыніцу]

  • Экспартная назва аўтамабіля для Фінляндыі — Lada 119, бо ў перакладзе з фінскай мовы слова kalina азначае трэск, грукат; бразджаньне; грук[16].
  • Па замове холдынгу «Лада-Сэрвіс», анімацыйная студыя «Антымульт» стварыла кампутарную гульню «Загрузі Каліну»[17]
  • Сямейства «Лада Каліна» ставіцца да клясы «B» (малая кляса), бо даўжыня хэтчбэка ўсяго 3850 мм. Сэдан і ўнівэрсал фармальна можна аднесьці да класа «С» (кампактны аўтамабіль) — 4040 мм.
  • Гандлёвая марка «Лада Каліна» ў сакавіку 2009 году ў Нямеччыне стала трэцяе па прадаванасьці сярод замежных кампаніяў.[18]
  • Рэйтынг бясьпекі Euro NCAP — Сталыя 8.4

Крыніцы[рэдагаваць | рэдагаваць крыніцу]

  1. ^ Учора. Коммерсантъ № 168 (3007) (10 верасьня 2004 году). Праверана 2010-08-12 г. Архіўная копія ад 2012-02-19 г.
  2. ^ CARobka — Усе аўтамабілі Тальяці й Самары
  3. ^ autogazeta.com — The Search Engine that Does at InfoWeb.net
  4. ^ За рулём :: Пуцін, Автоваз і Magna
  5. ^ Аўта@Mail.Ru: Названа самая папулярная іншамарка ў Расіі
  6. ^ Сямейства Lada Kalina чакае фейслифтинг AMbox.ru, 13.07.2010
  7. ^ «АВТОВАЗ» спыняе выпуск Lada Kalina у кузаве седан. РІА Навіны (2011-05-01). Праверана 2011-05-01 г. Архіўная копія ад 2012-02-19 г.
  8. ^ Расейцы не пасьпелі пакахаць Lada Kalina, а яе ўжо зьнялі з вытворчасьці. Байкал24 (2011-05-01). Праверана 2011-05-01 г. Архіўная копія ад 2012-02-19 г.
  9. ^ Статыстыка продажаў аўтамабіляў у Расіі за першыя пяць месяцаў 2011 гады (студзень-травень)
  10. ^ Lada Kalina атрымае «аўтамат» ae96.ru, 21.07.2011
  11. ^ Прэс-цэнтр ААТ «АВТОВАЗ» Лада Каліна: Гісторыя стварэння. 3ru.org. Праверана 2009-01-31 г. Архіўная копія ад 2012-02-19 г.
  12. ^ Водгук пра ВАЗ 1118 2006 г.у. — уладальнік maksim-testdriver — Водгукі ўладальнікаў пра аўтамабілі //aVtomarket.ru
  13. ^ Тэст Lada Kalina — новая якасць. Lada Kalina Club. Праверана 2009-01-31 г.
  14. ^ АЎТАВАЗ часова прыпыніў выпуск сэданаў Lada Kalina і Lada 112 Coupe. Аналітычнае агенцтва «Автостат». Праверана 2009-09-07 г.
  15. ^ Сэдан Lada Kalina з 1 траўня саступіць месца на канвееры новае мадэлі. Афіцыйны Лада Каліна Клуб. Архіўная копія ад 2012-02-19 г.
  16. ^ kalina на en.wiktionary.org
  17. ^ Гульня «Загрузі Каліну». lada-service.ru. Праверана 2009-01-31 г.
  18. ^ Барыс Алешин: галоўная прэфэрэнцыя для «Аўтаваза» — дэвальвацыя рубля

Літаратура[рэдагаваць | рэдагаваць крыніцу]

Вонкавыя спасылкі[рэдагаваць | рэдагаваць крыніцу]

Commons-logo.svg Lada Kalinaсховішча мультымэдыйных матэрыялаў