Awario
| Awario | |
 | |
| Заснаваная | 2016 |
|---|---|
| Заснавальнікі | Алег Барысевіч |
| Разьмяшчэньне | Менск, Беларусь |
| Галіна | маркетынг, інфармацыйныя тэхналёгіі |
| Прадукцыя | праграмнае забесьпячэньне |
| Матчына кампанія | BelPrime |
Awario (бел. Авэрыё) — дастасоўная вэб-праграма для маніторынгу кантэнту, якая належыць «Лінк-Асыстэнт»[1]. Праграма дазваляе карыстальнікам адсочваць ключавыя словы ў Інтэрнэце і сацыяльных сетках[2] і выкарыстоўваецца з мэтай маркетынгу ў сацыяльных сетках. Галоўны офіс распрацоўшчыкаў знаходзіцца ў Менску з прадстаўніцтвамі ў ЗША і на Кіпры.
Гісторыя
[рэдагаваць | рэдагаваць крыніцу]Кампанія па вырабе прадуктаў для пошукавай аптымізацыі Link-Assistant.Com[3] пачала сваю гісторыю ў 2004 годзе ў г. Менску (Рэспубліка Беларусь). Сваю назву яна атрымала ад першага праграмнага прадукту — LinkAssistant[4].
Пасьля рэлізу першага прадукту Link-Assistant.Com выпусьціла шэраг іншых праграм для пошукавай аптымізацыі, і ў 2009 годзе ўсе прадукты кампаніі былі аб’яднаныя ў пакет праграм для пошукавай аптымізацыі — SEO PowerSuite.
У 2016 г. кампанія выпусьціла новы асобны праект Awario. Гэта праграма, накіраваная на маніторынг сацыяльных сетак і Інтэрнэту[5]. Спачатку Awario адсочвала ключавыя словы толькі ў Twitter і Сеціве. Потым быў дададзены пошук у Facebook, Google+ і YouTube.
У жніўні 2016 г. у Awario зьявілася сеціўная пошукавая сыстэма, заснаваная на лягічным тыпе зьвестак Boolean[6].
У 2018 г. Awario пачала маніторынг сацыяльнай плятформы Reddit.
Агляд
[рэдагаваць | рэдагаваць крыніцу]Awario зьяўляецца праграмным забесьпячэньнем для маркетынгу ў сацыяльных сетках[7], тэхналёгія работы якога падобная да Google Alerts[8]. Праграма запускае пошукавых робатаў для аўтаматычнага маніторынгу Інтэрнэт-крыніц, сайтаў, блогаў і інш. Гэтыя пошукавыя робаты скануюць вэб-сайты і старонкі, якія адпавядаюць вылучаным ключавым словам. Сэрвэр Awario назірае за зьменамі ў кантэнце і рэгіструе зьвесткі старонак Інтэрнэту[9]. Каб атрымаць зьвесткі з сацыяльных мэдыяў, праграма таксама працуе праз API. У рэжыме рэальнага часу Awario зьбірае ўсе згадваньні, якія зьмяшчаюць ключавыя словы, на сваёй старонцы.
Awario таксама мае дадатковыя функцыі, напрыклад, аналіз танальнасьці тэксту, пошук лідэраў меркаваньняў і складаньне справазадач па аналітыцы[10]. Праграма падтрымлівае пошук на большасьці моваў сьвету.
Структура кампаніі
[рэдагаваць | рэдагаваць крыніцу]- Юры Бітно — CEO
- Алег Барысевіч — заснавальнік, дырэктар па маркетынгу
Крыніцы
[рэдагаваць | рэдагаваць крыніцу]- ^ SEO Power Suite Press Info. SEO PowerSuite. 1 траўня 2015 г.
- ^ Awario Review | Never Stay Behind From Your Audience. Techwibe. 3 траўня 2017.
- ^ What it’s like to build software used by 2,000,000+ SEOs. Link-Assiatant.com. 13 красавіка 2016.
- ^ LinkAssistant — контроль и наращивание ссылок.(недаступная спасылка) SozdajSam. 6 сьнежня 2016.
- ^ 10 of the best free social media monitoring tools(недаступная спасылка). Our Social Times. 21 кастрычніка 2016.
- ^ Awario Social Media Marketing Software by Link-Assistant.Com Gets Enhanced with Boolean Search. Cision PRWeb. 20 кастрычніка 2016.
- ^ 5 Ways You Can Use Social Media Listening to Your Advantage. Social Media Today. 17 ліпеня 2018.
- ^ Broken Google Alerts: Here’s How to Move On Search Engine Journal. 22 сьнежня 2013.
- ^ Shobhna, Bansal; Chadhaury, Manoj (June 2013). «A Survey on Web Page Change Detection System Using Different Approaches» (PDF). International Journal of Computer Science and Mobile Computing. IJCSMC. 2 (6): 294–299. ISSN 2320-088X.
- ^ 3 Digital Tools to Go One Up on Your Competition. Entrepreneur. 25 красавіка 2017.