Яўген Савасьцьянаў
| Яўген Савасьцьянаў | ||
| Пэрсанальная інфармацыя | ||
|---|---|---|
| Нарадзіўся | 30 студзеня 1988[1] (37 гадоў) | |
| Рост | 187 см[2] | |
| Вага | 84 кг[2] | |
| Пазыцыя | абаронца | |
| Клюбы | ||
| Гады | Клюб | Гульні (галы)¹ |
| 2008—2013 | Нёман Горадня | 141 (5) |
| 2014—2015 | Гомель | 32 (1) |
| 2015 | → Нёман Горадня | 11 (0) |
| 2016—2018 | Нёман Горадня | 55 (1) |
| 2019 | Слуцак | 12 (1) |
| 2019 | Дняпро Магілёў[d] | 7 (0) |
| 2020—2021 | Смаргонь | 47 (6) |
| Зборныя | ||
| 2009—2011 | Беларусь (да 21) | 8 (0) |
| 2011 | Беларусь (да 23)[d] | 1 (0) |
Яўген Савасьцьянаў (нар. 30 студзеня 1988 году, Ваўкавыск, БССР) — беларускі футбаліст, паўабаронца польскага клюбу «Ключэвія».
Кар’ера
[рэдагаваць | рэдагаваць крыніцу]Клюбная
[рэдагаваць | рэдагаваць крыніцу]Пачаў займацца футболам у родным горадзе пад кіраўніцтвам свайго бацькі, які быў дзіцячым трэнэрам па футболе. У гарадзенскім клюбе «Нёман» з 2005 году, аднак у асноўны склад пачаў праходзіць толькі з 2007 году. У 2010 годзе канчаткова замацаваўся ў асноўным складзе. У сэзоне 2013 году выступаў на пазыцыі апорнага паўабаронцы. 17 красавіка 2013 году забіў гол, які прынёс «Нёману» перамогу над БАТЭ (2:1), дзякуючы якой гарадзенскі клюб адзінаасобна ачоліў турнірную табліцу.
У сьнежні 2013 году перайшоў у «Гомель»[3]. У складзе «Гомля» спачатку выступаў як апорны паўабаронца, пазьней гуляў на пазыцыі правага абаронцы. У жніўні 2014 году атрымаў траўму, празь якую выбыў да канца сэзону. У сэзоне 2015 застаўся ў «Гомлі», нягледзячы на цяжкую фінансавую сытуацыю ў клюбе. У складзе каманды зноў пачаў выступаць у апорнай зоне. У ліпені 2015 году празь невыкананьне кантрактных абавязкаў падаў позву ў суд на «Гомель», а сам пачаў трэнавацца зь «Нёманам»[4]. 30 ліпеня 2015 году было абвешчана аб вяртаньні Савасьцьянава ў Горадню на правах арэнды[5], дзе ён замацаваўся на пазыцыі апорнага паўабаронцы. Па заканчэньні сэзону 2015 году цікавасьць да Савасьцьянава зьявілася ў менскага «Дынама», аднак у выніку ў лютым 2016 году футбаліст падпісаў гадавы кантракт зь «Нёманам»[6]. Пачатак сэзону 2016 году прапусьціў праз траўму, а ўлетку вярнуў месца ў асноўным складзе.
У пачатку 2017 году спрабаваў працаўладкавацца ў іншых клюбах, як то ў салігорскі «Шахцёр»[7] і казаскі «Жэтысу»[8], але вярнуўся ў Горадню і ў сакавіку падоўжыў кантракт зь «Нёманам» на два гады[9]. У сэзоне 2017 году быў асноўным апорным паўабаронцам гарадзенцаў, толькі ў траўні, кастрычніку і лістападзе адсутнічаў праз траўмы. Сэзон 2018 году пачынаў у асноўным складзе, у траўні не гуляў праз траўму, а па акрыяньні некаторы час выходзіў на замену, у ліпені вярнуў месца ў стартавым складзе.
У сьнежні 2018 году перайшоў у клюб «Слуцак»[10], які пакінуў у ліпені 2019 году[11]. У жніўні 2019 году падпісаў кантракт з магілёўскім «Дняпром»[12][13], аднак у складзе каманды только часам выходзіў на замену. Па заканчэньні сэзону 2019 году пакінуў магілёўскі клюб. У сакавіку 2020 году стаў гульцом «Смаргоні»[14], дзе замацаваўся ў асноўным складзе. У пачатку 2021 году, калі смаргонскі клюб атрымаў месца ў Найвышэйшай лізе, пераважна выходзіў на замену, але неўзабаве пачаў трывала зьяўляцца ў першай адзінаццатцы. У сакавіку 2022 году далучыўся да клюбу «Ключэвія» зь чацьвертага польскага дывізіёну[15].
Міжнародная
[рэдагаваць | рэдагаваць крыніцу]Гуляў за зборную Беларусі (да 21 году), зь якой здабыў бронзавы мэдаль чэмпіянату Эўропы 2011 году ў Даніі, але на полі ў тым турніры не зьяўляўся. Згуляў адзіны матч за алімпійскую зборную Беларусі.
Статыстыка
[рэдагаваць | рэдагаваць крыніцу]| Клюб | Сэзон | Чэмпіянат | ||
|---|---|---|---|---|
| Дывізіён | Матчы | Галы | ||
| Гомель | 2015 | Найвышэйшая ліга | 12 | 1 |
| Нёман | 11 | 0 | ||
| 2016 | Найвышэйшая ліга | 19 | 0 | |
| 2017 | Найвышэйшая ліга | 17 | 0 | |
| 2018 | Найвышэйшая ліга | 19 | 1 | |
Крыніцы
[рэдагаваць | рэдагаваць крыніцу]- ^ а б в Evgeni Savostjanov // Transfermarkt (мн.) — 2000.
- ^ а б в г https://www.teams.by/-/player-121/
- ^ Евгений Савостьянов перешел в «Гомель» (рас.)
- ^ Савостьянов может вернуться в «Неман»
- ^ Евгений Савостьянов спустя полтора года вернулся в «Неман» (рас.)
- ^ Савостьянов продлил контракт с «Неманом» (рас.)
- ^ Савостьянов на просмотре в солигорском «Шахтере»
- ^ Савостьянов находится на просмотре в «Жетысу»
- ^ Евгений Савостьянов на два года продлил контракт с "Неманом"
- ^ Анюкевич и Савостьянов сменили «Неман» на «Слуцк» (рас.)
- ^ Савостьянов и Чмыриков покидают «Слуцк» (рас.)
- ^ Савостьянов перешел в «Дняпро» (рас.)
- ^ БАТЭ - "Энергетик-БГУ". Объявлены составы команд
- ^ Савостьянов стал игроком "Сморгони"
- ^ Евгений Савостьянов продолжит карьеру в четвертом польском дивизионе
Вонкавыя спасылкі
[рэдагаваць | рэдагаваць крыніцу]- Профіль на сайце «Гомелю» (рас.)
- Статыстыка «ПБ-Инфо» (рас.)
- Профіль на sports.ru (рас.)