Яфім Раманенка

Зьвесткі зь Вікіпэдыі — вольнай энцыкляпэдыі
Перайсьці да навігацыі Перайсьці да пошуку

Яфім Мікітавіч Раманенка (1898, Карма, Гомельская вобласьць-1971) - дырэктар БДІНГ у 1944-1949.

Зь сям'і селяніна. Навучаўся ў духоўнай сэмінарыі Магілёва. Сябар ВКП(б) ад 1919. У гады Грамадзянскае вайны ваяваў на Заходнім фронце. У пэрыяд змаганьня з басмачамі - камісар 98 стралковага палка Туркмэнскага фронту. Пасьля Грамадзянскай вайны працаваў выкладчыкам аб'яднанае Беларускае ваеннае школы.

У 1932 скончыў Плянава-эканамічны інстытут і на працягу двух гадоў працаваў у Дзяржпляне БССР. У 1934-1941 - старэйшы выкладчык палітэканоміі й дэкан плянавага факультэту.

У гады Вялікае Айчыннае вайны працаваў настаўнікам гісторыі ў адной з школаў Саратаўскае вобласьці, лектарам ЦК КПБ. У 1944-1949 дырэктар БДІНГ. Затым 10 гадоў на выкладчыцкай працы (старэйшы выкладчык, загадчык катэдры) у інстытуце. У 1959 сышоў на пэнсію, працягваючы працаваць выкладчыкам катэдры палітэканоміі. Узнагароджаны ордэнам "Знак Пашаны", мэдалём "За доблесную працу ў Вялікай Айчыннай вайне 1941-1945 гг."

Крыніцы[рэдагаваць | рэдагаваць крыніцу]