Янка Матушка

Зьвесткі зь Вікіпэдыі — вольнай энцыкляпэдыі
Янка Матушка
Асабістыя зьвесткі
Нарадзіўся 10 студзеня 1821(1821-01-10)
Памёр 11 студзеня 1877(1877-01-11)[1] (56 гадоў)
Пахаваны
Літаратурная дзейнасьць
Род дзейнасьці паэт, пісьменьнік, драматург
Гады творчасьці 18441849
Мова славацкая

Я́нка Ма́тушка (па-славацку: Janko Matúška) — славацкі паэт, дзяяч, драматург і пісар у судзе. Ён найбольш вядомы як аўтар славацкага гімна «Маланка над Татрамі» на мэлёдыю славацкай народнай песьні.

Біяграфія[рэдагаваць | рэдагаваць крыніцу]

Матушка нарадзіўся ў сям’і рамесьніка ў мястэчку Долным-Кубіне[2]. Ён пачаў наведваць там школу, потым, магчыма, навучаўся ў гімназіі ў Гемэр, і, нарэшце, навучыўся ў прэстыжным лютэранскім ліцэі ў Браціславе, дзе праходзіў курсы ў Інстытуце чэхаславацкай мовы і літаратуры па спэцыяльнасці тэалёгіі. Людавіт Штур, адзіны на той момант прафэсар інстытуту, быў звольнены ў сьнежні 1843 году пад ціскам уладаў каралеўства, якія выказаліся супраць ягонае праславацкае актыўнасьці.

23-гадовы Янка Матушка напісаў «Маланку над Татрамі», калі ён і іншыя вучні ўзбуджаліся з нагоды наступных неаднаразовых адмоваў у зваротах да школьнай рады аб адмене звальненьня Штура[3]. Каля двух дзясяткаў студэнтаў, у тым ліку Матушка, на знак пратэсту ў сакавіку 1844 году вырашылі пакінуць ліцэй. Матушка пайшоў здаваць выпускныя экзамэны ў лютэранскую гімназію ў Тысаўцы. Большую частку свайго дарослага жыцьця пражыў у Ораве. Пасьля рэвалюцыі 1848 году перастаў пісаць. Пасьля 1850 году працаваў ва ўрадавых установах, з 1870 па 1875 гады быў сакратаром павятовага суду ў Долным-Кубіне. Паэт памёр на наступны дзень пасьля свайго 56-годзьдзя і быў пахаваны ў родным мястэчку.

Крыніцы[рэдагаваць | рэдагаваць крыніцу]

  1. ^ Архіў прыгожых мастацтваў — 2003.
  2. ^ Brtáň, Rudo (1971). Postavy slovenskej literatúry.
  3. ^ Sojková, Zdenka (2005). Knížka o životě Ľudovíta Štúra.

Вонкавыя спасылкі[рэдагаваць | рэдагаваць крыніцу]