Язэп Корсак

Зьвесткі зь Вікіпэдыі — вольнай энцыкляпэдыі
Перайсьці да навігацыі Перайсьці да пошуку
Язэп Корсак
Язэп Корсак
Язэп Корсак
Асабістыя зьвесткі
Нарадзіўся к. 1570
Памёр 1643
Род Корсакі
Бацькі Леў Корсак
Марыяна Падпіпента
Вікіпэдыя мае артыкулы пра іншых асобаў з прозьвішчам Корсак.

Язэп Корсак[а 1] (каля 1570—1643) — дзяржаўны дзяяч Вялікага Княства Літоўскага. Староста (з 1629) і ваявода амсьціслаўскі (з 1639)[1].

Валодаў Глыбокім, Перадоламі, Ластавічамі, Сьвіламі і Беразьвеччам у Полацкім ваяводзтве.

Біяграфія[рэдагаваць | рэдагаваць крыніцу]

Невядомы мастак, XVII ст.

Прадстаўнік беларускага[2] шляхецкага роду Корсакаў гербу ўласнага («Катвіца зьмененая»), сын Льва Корсака і Марыяны Падпіпенты.

Ваяваў у 1610 пад Смаленскам, браў наступны ўдзел у выправах караля і вялікага князя Ўладзіслава Вазы на Маскву. У 1633 у часе вайны за Смаленск прыцягнуў за ўласны кошт жаўнераў і бараніў на чале іх Дзісенскі замак.

Фундаваў кляштары базылянаў у Беразьвеччы і кармэлітаў у Глыбокім.

Існавалі два партрэты Я. Корсака. Раньні — які захоўваўся родам Корсакаў, другі — пазьнейшы, які прэзэнтуе яго як фундатара кляштару кармэлітаў босых на тле касьцёла. Апошні да 1905 знаходзіўся ў парафіяльным касьцёле Глыбокага, а ў 1935 трапіў на продаж у Салёне Мастацтва ў Варшаве (вул. Вербная, 6).

У 2012 годзе ў Глыбокім усталяваны бюст Язэпа Корсака[3].

Заўвагі[рэдагаваць | рэдагаваць крыніцу]

  1. ^ Іншая форма імя: Ёсіф Корсак

Крыніцы[рэдагаваць | рэдагаваць крыніцу]

  1. ^ Вячаслаў Насевіч. Корсакі // ЭГБ. Т. 4. — Менск, 1997. С. 239.
  2. ^ Сяргей Казуля. Корсак Рафаіл // ВКЛ. Энцыкл. Т. 2. — Менск, 2005. С. 649.
  3. ^ У Глыбокім паставілі помнікі сваім землякам

Літаратура[рэдагаваць | рэдагаваць крыніцу]

Вонкавыя спасылкі[рэдагаваць | рэдагаваць крыніцу]