Эразм Заблоцкі

Эразм Заблоцкі

Асабістыя зьвесткі
Нарадзіўся	1831 Гарадзенскі павет, Гарадзенская губэрня, Літоўскае генэрал-губэрнатарства, Расейская імпэрыя
Памёр	1884
Род	Заблоцкія[d]

Вікіпэдыя мае артыкулы пра іншых асобаў з прозьвішчам Заблоцкі.

Эра́зм Забло́цкі гербу Лада (1831—1884) — пад час паўстаньня 1863—1864 гадоў кіраўнік цывільны да чэрвеня 1863 г., а пасьля камісар гарадзенскага ваяводзтва, ураднік гарадзенскай будаўнічай камісіі, дзяяч кансьпірацыі.

Сын Казімера Заблоцкага (1790—1824) і Ізабэлі Яксы-Жэромскай (1790 — 16 сьнежня 1871).

У траўні зьдзейсьніў разам з Каліноўскім інспэкцыйную паездку па Слонімшчыне. Пасьля ад’езду Каліноўскага ў Вільню заняў пакінутае ім месца ваяводзкага камісара. Увосень 1863 г. арыштаваны. Асуджаны на 15 гадоў прымусовай працы.

Быў жанаты з 23 ліпеня 1849 году з Гэленай Вата-Скрыдлеўскай гербу Самсон (1828—1859). Меў зь ёю сына Рафала Заблоцкага (1854—1911) і тры дачкі: Аўгустыну (1851—1903), Казімеру (1853—1943) і Гэлену (1859—1929).