Эйндговэн
| Эйндговэн нід. Eindhoven | |||||
| Населены пункт | |||||
 | |||||
| |||||
| Краіна | Нідэрлянды | ||||
|---|---|---|---|---|---|
| Правінцыя | Паўночны Брабант | ||||
| Першыя згадкі | VIII стагодзьдзе | ||||
| Кіраўніцтва і ўлада | |||||
| mayor of Eindhoven[d] | Ерун Дэйсэльблюм[d] | ||||
| Выканаўчая ўлада | college van burgemeester en wethouders of Eindhoven[d] | ||||
| Геаграфія | |||||
| Плошча | 88,87 км² | ||||
| Вышыня НУМ | 17 м | ||||
| Часавы пас | |||||
| Каардынаты | 51°26′ пн. ш. 5°28′ у. д.HGЯO | ||||
| Насельніцтва | |||||
| Колькасьць | 246 417 чал. (2024) | ||||
| Афіцыйная мова | нідэрляндзкая | ||||
| Этнахаронімы | Eindhovenaar | ||||
| Лічбавыя ідэнтыфікатары | |||||
| Тэлефонны код | 40 | ||||
| Паштовы індэкс | 5600–5658 | ||||
| Сайт | eindhoven.nl (нід.) | ||||
| Эйндговэн на мапе Нідэрляндаў   Эйндговэн | |||||
Эйндговэн (па-нідэрляндзку: Eindhoven) — горад на поўдні Нідэрляндаў, найбуйнейшы горад правінцыі Паўночны Брабант. Насельніцтва 246 417 чалавек (на 22 лістапада 2024) — пяты паводле колькасьці насельніцтва горад краіны. У ім знаходзіцца мноства прадпрыемстваў, зьвязаных з высокімі тэхналёгіямі і інфарматыкай, напрыклад «Philips». Горад таксама вядомы футбольнай камандай ПСВ — шматразовым чэмпіёнам Нідэрляндаў.
Гісторыя
[рэдагаваць | рэдагаваць код]Пісьмовая гісторыя гораду пачалася ў 1232 годзе, калі герцаг Гэнрых I Брабанцкі дараваў прывілеі невялікаму мястэчку на скрыжаваньні рэк Домэль і Гендэр. У той час горад складаўся прыкладна з 170 хат, акружаных валам. Побач з гарадзкім мурам стаяў невялікі замак. Гораду таксама было дадзена права праводзіць штотыднёвы кірмаш, і сяляне з суседніх вёсак былі абавязаныя прадаваць на гэтым рынку свае прадукты. Важную ролю ў разьвіцьці гораду адыграла тое, што ён знаходзіўся на гандлёвым шляху з Галяндыі ў Льеж.
Буйнамаштабныя бамбаваньні падчас Другой сусьветнай вайны разбурылі значную частку гораду, уключаючы амаль усе старадаўнія будынкі. Пасьля вайны горад быў хутка адноўлены, і ў ім было пабудавана шмат вышынных будынкаў. У пасьляваенны пэрыяд усё больш разьвіваліся электронныя і інжынэрныя галіны, у той час як традыцыйная вытворчасьць тытуню і тканін марнела і канчаткова зьнікла ў сямідзясятыя гады. У сямідзясятыя, васьмідзясятыя і дзевяностыя гады было пабудавана шмат жыльля ў паўночных раёнах гораду Вунсэль-Зюйд і Вунсэль-Ноорд, і ў выніку Эйндговэн стаў пятым па колькасьці насельніцтва горадам Нідэрляндаў.
Славутасьці
[рэдагаваць | рэдагаваць код]- Музэй Эйндговэну
- Канфэрэнц-цэнтар Эвалюон
- De Admirant — найвышэйшы ў горадзе будынак (105 м)
- Van Abbemuseum — музэй сучаснага мастацтва