Перайсьці да зьместу

Філіп Хыціл

Зьвесткі зь Вікіпэдыі — вольнай энцыкляпэдыі
Філіп Хыціл
Рост 184 см[1]
Вага 87 кг
Пазыцыя нападнік
Грамадзянства
Дата нараджэньня 5 верасьня 1999(1999-09-05)[1] (24 гады)
Месца нараджэньня
Клюб Нью-Ёрк Рэйнджарз
Выступаў за
Гульнявая кар’ера 2012 — цяпер

Фі́ліп Хы́ціл (па-чэску: Filip Chytil; нар. 5 верасьня 1999 году) — чэскі хакеіст, цэнтральны нападнік клюбу «Нью-Ёрк Рэйнджарз» з Нацыянальнай хакейнай лігі і нацыянальнай зборнай Чэхіі. Быў абраны ў першым раўндзе драфту НХЛ 2017 году пад 21 нумарам.

Кар’ера[рэдагаваць | рэдагаваць крыніцу]

Хыціл пачаў гуляць за «Зьлін» у матчах Экстралігі з сэзону 2016—2017 гадоў. У тым сэзоне юнак закінуў чатыры шайбы і адзначыўся яшчэ чатырма перадачамі ў 38 гульнях, што стала другім паказьнікам у лізе сярод гульцоў у веку да 18 гадоў. Дзякуючы гэтаму, хакеіста запрыкмецілі ў НХЛ і абралі ўжо ў першым раўндзе драфта 2017 году. 14 ліпеня 2017 году Хыціл падпісаў трохгадовы кантракт з «Нью-Ёрк Рэйнджарз»[2]. Па прыяднаньні да трэнавальнага перадсэзоннага лягеру клюбу чэх настолькі ўразіў сваімі здольнасьцямі, што мясцовыя СМІ абралі яго найлепшым наваком. Напачатку першага сэзону за акіянам спартовец патрапіў у адну тройку з Матсам Зукарэльлё і Рыкам Нэшам[3]. Аднак, правёўшы дзьве гульні ў НХЛ, ён быў пераведзены ў фарм-клюб «Гартфард Ўулф Пак» Амэрыканскае хакейнае лігі[4]. Толькі наступным сэзонам нападнік вярнуўся ў галоўную каманду, заняўшы пачэснае месца сярод галоўных гульцоў клюбу.

Крыніцы[рэдагаваць | рэдагаваць крыніцу]

Вонкавыя спасылкі[рэдагаваць | рэдагаваць крыніцу]