Філіп Тыс

Філіп Тыс
Агульная інфармацыя
Дата нараджэньня	8 кастрычніка 1889(1889-10-08)
Месца нараджэньня	Андэрлехт[d], Брусэль-Сталіца[d]
Дата сьмерці	16 студзеня 1971(1971-01-16) (81 год)
Месца сьмерці	Андэрлехт[d], Брусэль-Сталіца[d]
Краіна	Бэльгія
Філіп Тыс у Вікісховішчы

Філіп Тыс (па-нідэрляндзку: Philippe Thys; 8 кастрычніка 1889 году, Андэрлехт — 16 студзеня 1971 году, Андэрлехт, Бэльгія) — бэльгійскі раварыст, першы трохразовы пераможца Тур дэ Франс.

Біяграфія

Тыс атрымаў першую сваю значную перамогу на нацыянальным роварным спаборніцтве па вэлякросе ў 1910 годзе. У 1913 годзе Філіп стаў пераможцам Тур дэ Франс ува ўзросьце 22 гадоў, фінішаваўшы ў Парыжы зь перавагай больш за дзьве хвіліны. На наступны год ён таксама перамог у Туры. Трэці раз стаў пераможцам пасьля Першай сусьветнай вайны ў 1920 годзе. Толькі ў 1955 годзе ягоны рэкорд здолеў паўтарыць Люі Бабэ, а праз 8 гадоў ён быў пераадолены Жакам Анкетылем. Тыс таксама прымаў удзел у Тур дэ Франс 1922 году, дзе перамог у пяці этапах, і два этапы ўзяў у 1924 годзе.

Філіп Тыс — першы раварыст, які апрануў жоўтую майку як індэнтыфікатар лідэра Тур дэ Франс паводле прапановы свайго мэнэджара Альфонса Бажэ. Свой афіцыйны статус яна атрымала пазьней — у 1919 годзе. Першым афіцыйна апрануў жоўтую майку лідэра француз Эжэн Крыстоф.

Выступленьні на Гранд Турах

Гранд Тур	1912	1913	1914	1915	1916	1917	1918	1919	1920	1921	1922	1923	1924	1925
Джыра д’Італія	-	-	-	-	-	-	-	-	-	-	-	-	-	-
Тур дэ Франс	6	1	1	-	-	-	-	зг	1	зг	14	зг	11	зг

• Удакладненьне: зг — зьняўся з гонкі

Вонкавыя спасылкі

• Профіль на Cycling Archives
• Афіцыйныя вынікі Філіпа Тыса на Тур дэ Франс