Флярыян Бохвіц

Флярыян Бохвіц
лац. Flaryjan Bochvic

Радван
адвакат (Наваградзкая асацыяцыя адвакатаў)
Асабістыя зьвесткі
Нарадзіўся	4 траўня 1799 Мір
Памёр	9 жніўня 1856 Вошкаўцы, Слуцкі павет, Менская губэрня, Расейская імпэрыя
Пахаваны	Дарава
Род	Бохвіцы
Бацькі	Рамуальд Бохвіц Анэлія Борзабагатая
Жонка	Паўліна Маеўская
Дзеці	Ян Отан Бохвіц, Раман Бохвіц, Люцыўш Бохвіц
Дзейнасьць	пісьменьнік, адвакат, філёзаф

Флярыян Бохвіц (4 траўня 1799, Мір, цяпер Карэліцкі раён — 9 жніўня 1856, Вошкаўцы, цяпер Фларыянаў) — польска-беларускі асьветнік, філёзаф, пісьменьнік.

Біяграфія

Бацька Рамуальд Бохвіц быў пратэстантам, маці, Анелія Борзабагатая — каталічка, выхавала сына ў духу сваёй веры.

Навучаўся ў школе дамініканаў у Нясьвіжы. Скончыў юрыдычныя факультэты Кіеўскага і Віленскага ўнівэрсытэтаў.

Працаваў адвакатам у Наваградку. Уваходзіў у Наваградзкую асацыяцыю адвакатаў.

Ажаніўся з Паўлінай Маеўскай, стрыечнай пляменніцай маці Адама Міцкевіча. У 1838 набылі ў Чарнецкіх маёнтак Вашкоўцы (цяпер Фляр'янаў, Ляхавіцкі раён), дзі і жыў разам зь сям’ёю да сваёй сьмерці. Яго маёнтак наведвалі знакаітыя літаратары і філёзафы.

Выдаў шэраг літаратурных і філязоўскіх твораў на польскай мове.

Пахаваны на старых могілках у вёсцы Дарава. У 1960-70-я магіла Бохвіца разрабаваная. Помнік з надпісам Twoj przyklad niech nam pokazuje drogi prawdy ня знойдзены. Знаходзіцца пад аховаю дзяржавы. Нягледзячы на гэта, у 2003 годзе магіла зьнішчана і ў той самы год на ёй зьявіліся новыя пахаваньні.

Творы

• Obraz myśli : na pamiątkę exystencyi mojej, żonie i dzieciom — «Выява думкі. На памятку маёй жонцы і дзецям», 1838, Вільня (другое выданьне выйшла ў 1839 годзе)
• «Выява маёй думкі пра мэты існаваньня чалавека» (Вільня, 1841)
• Zasady myśli i uczuć moich — «Асновы маіх думак і пачуцьцяў» (1842)
• Pomysły o wychowaniu człowieka — «Думкі пра выхаваньне чалавека» (Вільня, 1847)

Вонкавыя спасылкі

• Сканы выданьняў Бохвіца(недаступная спасылка)