Фара Вітаўта (Коўна)

«Фара Вітаўта» ў Коўне

Ковенскі касьцёл Унебаўзяцьця Найсьвяцейшай Дзевы Марыі або Фара Вітаўта — помнік сакральнай готыкі Вялікага Княства Літоўскага

Гісторыя

• 1400-1411 — збудаваны па загадзе Вітаўта.
• 1655 — зьнішчаны маскоўскім войскам.
• 1669 — адноўлены.
• 1812 — зьнішчаны.
• 1819 — адноўлены.
• 1853 — перададзены праваслаўнай царкве.
• 1919 — вернуты каталікам.
• 1938 — рэстаўраваны.
• 1978 — праведзены архітэктурныя і археалягічныя дасьледаваньні.

Архітэктура

Прастакутны аб’ём збудаванага Вітаўтам храма быў моцна выцягнуты з усходу на захад, хаця, як і ўсе першыя касьцёлы ў княстве, меў 4-ы апорныя слупы. Мае выразныя рысы нямецкай сакральнай готыкі, бо, верагодна, быў збудаваны ганзейскімі майстрамі, якім ў 1436 годзе быў дадзены прывілей на адпраўленьне службы ў ім. Дзьве капліцы паабапал усходняй часткі кафалікона ўтвараюць трансэпт. Вытанчаная вежа з высокім шатровым дахам пры ўваходзе падкрэсьлівае істотны для готыкі вэртыкалізм збудаваньня.