Оле Люкое
| Оле Люкое | |
| Ole Lukøje | |
 Оле Люкое на малюнку дацкага мастака Вільгэльма Пэдэрсэна(da) | |
| Стваральнік: | Ганс Крыстыян Андэрсэн |
|---|---|
| Творы: | «Оле Люкое» |
| Пол: | мужчынскі |
| Сям’я: | брат (Сьмерць) |
Оле Люкое (па-дацку: Ole Lukøje) — дзіцячая казка Ганса Крыстыяна Андэрсэна, у аснове сюжэту якой пакладзеная народная байка пра таямнічую містычную істоту накшталт Пясочнага чалавека, што паказвае дзецям сны. Некаторыя элемэнты ў гісторыі пра Оле Люкое нагадваюць таксама пра Марфэюса, грэцкага бога сна: напрыклад, Оле, як і Марфэюс, выкарыстоўваюць дзеля засынаньня дзяцей адмысловую ўсыпляльную вадкасьць (у Оле гэта салодкае малако).
Оле Люкое носіць пад пахай два парасоны, якія раскрывае дзеткам, што сьпяць. Для дзяцей, якія паводзіліся добра, прызначаны парасон з прыгожымі малюнкамі. Ён дапамагае ім бачыць прыгожыя прыемныя сны. Непаслухмяным дзецям Оле Люкое адчыняе парасон без малюнкаў. Гэтыя дзеці ўначы ня бачаць сноў.
У казцы Оле Люкое наведвае хлопчыка на імя Яльмар штоночы цягам тыдню і бае яму казкі. На працягу казкі высьвятляецца, што Оле на самой справе вельмі стары. Апошнім вечарам, у нядзелю, Оле Люкое распавядае хлопчыку пра свайго брата, якога зваць так сама, аднак ён мае і другое імя — Сьмерць. Ён прыходзіць, каб заплюшчыць вочы тых, каму прыйшоў час сысьці з гэтага сьвету, і забраць іх з сабой.
Такім чынам, вобраз Оле Люкое распадаецца на два: падобна да грэцкіх Танатаса і Гіпнаса, багоў сьмерці і сну адпаведна, героі сваякі і адрозныя адзін ад другога.
Літаратура
[рэдагаваць | рэдагаваць крыніцу]- Т. Н. Суханова. Оле-Лукойе // Энциклопедия литературных героев / Сост. и науч. ред. С. В. Стахорский. М.: Аграф, 1997.
- Т. А. Чеснокова. Оле-Лукойе // Сказочная энциклопедия / Под общ. ред. Н. Будур. — М.: ОЛМА-ПРЕСС, 2005. — С. 360—361.
- Т. А. Чеснокова. Оле-Лукойе // Мир сказок: Антология / Сост. Н. Будур. — М.: ОЛМА-ПРЕСС, 2005. — С. 329—330. ISBN 978-5-373-03803-4
Вонкавыя спасылкі
[рэдагаваць | рэдагаваць крыніцу] |
Danish Вікікрыніца зьмяшчае арыгінальныя матэрыялы, датычныя тэмы гэтага артыкула: |
Оле Люкое — сховішча мультымэдыйных матэрыялаў
- Арыгінальная вэрсія казкі (дацк.)
- Андэрсэн, Ганс Крыстыян Fairy Tales of Hans Christian Andersen. (анг.)