Уладзімер Завітневіч

Уладзімер Завітневіч
Дата нараджэньня	2 красавіка 1853(1853-04-02) або 14 красавіка 1853(1853-04-14)
Месца нараджэньня	Ліцьвяны, Менскі павет, Менская губэрня, Расейская імпэрыя
Дата сьмерці	сакавік 1927 (73 гады)
Месца сьмерці	Кіеў, УССР, СССР
Месца пахаваньня	Шчакавіцкія могілкі[d]
Месца вучобы	Санкт-Пецярбурская духоўная акадэмія[d] Менская духоўная сэмінарыя[d]
Занятак	пісьменьнік, археоляг, гісторык
Месца працы	Кіеўская духоўная акадэмія[d]

Уладзі́мер Зяно́навіч Завітне́віч (14 красавіка 1853, вёска Ліцьвяны, цяпер Узьдзенскі раён Менскай вобласьці — сакавік 1927) — беларускі археоляг і гісторык. Доктар царкоўнай гісторыі (1897), прафэсар (1904).

У 1875 скончыў Менскую духоўную сэмінарыю, а ў 1878 Пецярбурскую духоўную акадэмію. Працаваў настаўнікам у Варшаве і Кіеўскай духоўнай акадэміі. Вывучаў старажытнарускую гісторыю. У 1885—1892 дасьледаваў каля 700 пахаваньняў дрыгавічоў у 82 курганавых могільніках. Дасьледаваў археалягічныя помнікі ў в. Чэрнікаўшчына на Койданаўшчыне. Вызначыў межы рассяленьня дрыгавічоў. Яго высновы выкарыстоўвалі ў сваіх працах А. Грушэўскі, Я. Карскі, А. Спіцын і іншыя гісторыю і археолягі.

Літаратура

• Памяць: Гіст.-дакум. хроніка Мінска. У 4 кн. Кн. 1-я. — Мн.: БЕЛТА, 2001. — 576 с.: іл. ISBN 985-6302-33-1.
• Памяць: Гіст.-дакум. хроніка Дзяржынскага р-на. — Мн.: БЕЛТА, 2004. — 704 с.: іл. ISBN 985-6302-64-1.