Уладзімер Ігнацік

Уладзімер Ігнацік
Краіна	Беларусь
Пражывае ў	Браціслава, Славаччына
Нарадзіўся	14 ліпеня 1990 (33 гады) Менск
Рост	183 см
Вага	82 кг
Пачатак кар’еры	2007
Працоўная рука	правая
Прызавыя грошы	$356 286
Адзіночны разрад
Матчаў	13—14
Тытулаў	0
Найвышэйшы рэйтынг	№137 (4 лютага 2013)
Турніры Вялікага шлему
Аўстралія	Q1 (2012, 2013)
Францыя	Q2 (2008, 2014)
Ўімбэлдан	Q2 (2011, 2014)
ЗША	Q2 (2010, 2015, 2017)
Парны разрад
Матчаў	3—1
Тытулаў	0
Найвышэйшы рэйтынг	№117 (19 лістапада 2012)
Уладзімер Ігнацік у Вікісховішчы

Уладзі́мер Ігна́цік (нарадзіўся 14 ліпеня 1990 году, Менск) — беларускі тэнісіст.

Кар’ера

У 2007 року Ўладзімер Ігнацік перамог на юнацкім адкрытым чэмпіянаце Францыі, што зрабіла яго 1-й ракеткай плянэты сярод юнакоў (чэрвень 2007). У тым жа годзе Ігнацік стаў срэбным прызэрам Ўімбэлданскага турніру і дайшоў да чвэрцьфіналу Адкрытага чэмпіянату ЗША. 2007 год ён скончыў на 864-й пазыцыі ў рэйтынгу АТП, у 2008 стаў 431-м.

У 2008 року Ўладзімер Ігнацік выступіў за зборную Беларусі ў Кубку Дэвіса са зборнай Швайцарыі, саступіўшы ў абодвух матчах Станісласу Ваўрынку (1:3) і Іву Алегра (0:2). У наступным матчы, супраць Грузіі, Ігнацік атрымаў дзьве перамогі над Лада Чыхладзэ (3:0) і Нодарам Ітанішвілі (1:0). У траўні 2009 року ён саступіў гульцу Паўднёва-Афрыканскай рэспублікі ў складзе зборнай, якая прайграла з выніковым лікам 0:5.

У чэрвені 2009 Уладзімер Ігнацік выйграў свой першы ф’ючэрс(en) у Польшчы. Улетку ён набраў неблагую форму, дайшоўшы да фіналу яшчэ аднаго ф’ючэрсу ў Сэрбіі, пасьля перамогшы ў польскім, турэцкім і гішпанскім турнірах. Трапіўшы ў першую 300 рэйтынгу, Ігнацік паспрабаваў сябе ў чэленджэрах(en). У лістападзе 2009 ён двойчы выходзіў у чвэрцьфіналы турніраў у Джэрзі і Ёкагаме, а ў канцы месяца перамог у Токіё. Год скончыў на 192-й пазыцыі.

У 2010 року Ігнацік дайшоў да фіналу аднаго з ф’ючэрсаў у Вялікабрытаніі, а ў 2011 перамог у чэленджэры ў Гуанчжоў.

Вонкавыя спасылкі

Уладзімер Ігнацік — сховішча мультымэдыйных матэрыялаў

• Уладзімер Ігнацік (анг.) на сайце Асацыяцыі тэнісістаў-прафэсіяналаў
• Уладзімер Ігнацік  (анг.) на бачыне Міжнароднай тэніснай фэдэрацыі
• Уладзімер Ігнацік (анг.) на бачыне Кубка Дэвіса