Украінскія навіны

	Украінскія навіны
Тып	Таварыства з абмежаванай адказнасьцю
Дэвіз	Апошнія навіны — першымі
Заснаваная	другая палова 1997
Заснавальнікі	Міхайла Каламіец(uk)
Разьмяшчэньне	Кіеў, вул. Эспланадная(uk), д. 20
Ключавыя фігуры	Мікола Шаўчэнка
Галіна	СМІ
Прадукцыя	Навіны
Матчына кампанія	«У.А. Інтэр Мэдыя»(uk)
	www.un.ua

«Украінскія навіны» (укр. Українські новини) — інфармацыйнае агенцтва Ўкраіны, заснаванае ў другой палове 1997 году. На 2014 г. выпускала 27 зводак паведамленьняў, у тым ліку 11 штотыднёвых і 7 штомесячных аглядаў, на ўкраінскай, ангельскай і расейскай мовах. Агулам штодня пастаўляла каля 300 навінаў звыш 10 тыс. пакупнікам. Мела рэпартэраў ва ўсіх абласьцях Украіны.

Мінуўшчына

У другой палове 1997 г. Міхайла Каламіец заснаваў агенцтва на аснове эканамічнай рэдакцыі «Укрінфарм-бізнэс-навінаў», якую стварыў у 1993 г. і дзе ад таго часу працаваў рэдактарам^[1]. У 2000 г. палову акцыяў набыла «Агенцтва гуманітарных тэхналёгіяў», што належала дэпутату Вярхоўнай Рады Ўкраіны ад Народна-дэмакратычнай партыі(uk) Валерыю Харашкоўскаму(uk). У 2004 г. спадкаемцы заснавальніка прадалі «Агенцтву гуманітарных тэхналёгіяў» другую палову акцыяў. У траўні 2006 г. агенцтва займела прэс-цэнтар (плошча 95 кв.м. на 70 месцаў) для нарадаў, прэзэнтацыяў, круглых сталоў, сэмінараў і трэнінгаў. На пачатку 2009 г. — фотаслужбу «Украінскае фота». У лютым 2013 г. украінскі прадпрымальнік Зьміцер Фірташ(uk) набыў «У.А. Інтэр Мэдыя» разам з агенцтвам за $2,5 мільярды.

Крыніцы

^ Уладзімер Макаранка. Дырэктар «Украінскіх навінаў» сышоў, пасьпеўшы стварыць школу рэпартэраў (укр.) // Газэта «Україна Молода», 29 кастрычніка 2003 г. Праверана 27 чэрвеня 2014 г.

Вонкавыя спасылкі

Гэта — накід артыкула пра Ўкраіну. Вы можаце дапамагчы Вікіпэдыі, пашырыўшы яго.

[1] Уладзімер Макаранка. Дырэктар «Украінскіх навінаў» сышоў, пасьпеўшы стварыць школу рэпартэраў (укр.) // Газэта «Україна Молода», 29 кастрычніка 2003 г. Праверана 27 чэрвеня 2014 г.

[1]