Увага, дзьверы зачыняюцца

Зьвесткі зь Вікіпэдыі — вольнай энцыкляпэдыі
Перайсьці да навігацыі Перайсьці да пошуку
Увага, дзьверы зачыняюцца
па-ангельску: Sliding Doors
Увага дзьверы зачыняюцца.jpg
Жанр рамантычная камэдыя[d], камэдыйная драма[d] і драматычны фільм[d][1][2]
Рэжысэр
Прадусар
Сцэнарыст
У ролях
Кампазытар
Апэратар
Мантаж Джон Сьміт[d][4]
Вытворчасьць Miramax[d], Mirage Enterprises[d][7], Paramount Pictures[7] і Intermedia[d][7]
Дата выхаду 1998 і 19 лістапада 1998[8]
Час 98 хвіліна
Краіна
Мова ангельская мова
Старонка на IMDb
Афіцыйны сайт

«Ува́га, дзьве́ры зачыня́юцца» (па-ангельску: Sliding Doors) — рамантычны камэдыйна-драматычны фільм 1998 году, зьняты рэжысэрам Пітэрам Гаўітам. Галоўную ролю выканала Гўінэт Пэлтраў, іншыя ролі выканалі Джон Ганна, Джон Лінч і Джын Трыплгорн. Фільм зьмяшчае дзьве сюжэтныя лініі, якія паказваюць два шляхі, паводле якіх жыцьцё галоўнай гераіні можа прайсьці ў залежнасьці ад таго, седзе яна на цягнік ці не. Сюжэт фільму мае мноства падабенстваў на фільм польскага рэжысэра Кшыштафа Кесьлёўскага 1982 году «Сьляпы шанец», вынік якога таксама залежыць ад таго, ці зловіць герой свой цягнік[9][10][11].

Сюжэт[рэдагаваць | рэдагаваць крыніцу]

Гэлен Кўілі (Гўінэт Пэлтраў) звальняюць зь ейнай пасады мэнэджара па сувязях з грамадзкасьцю. Выходзячы з офіснага будынку, яна губляе завушніцу ў ліфце, і мужчына падбірае яе і аддае Гэлен. Спусьціўшыся ў мэтро, Гэлен кідаецца да свайго цягніка, але прапускае яго, бо дзьверы цягніка зачыняюцца перад ёю. Тым ня менш, у гэты момант аддзяляецца асобная сюжэтная лінія, згодна зь якой Гэлен усё ж такі трапляе ў свой вагон. Фільм працягваецца, чаргуючыся паміж двума сюжэтнымі лініямі, у якіх адбываюцца розныя падзеі, але зь іхным выпадковым перасячэньнем.

У сюжэце, у якім яна сядае ў цягнік, Гэлен сядзіць побач з Джэймзам (Джон Ганна), тым самым мужчынам зь ліфту, і яны завязваюць размову. Гераіня вяртаецца дадому, дзе застае свайго хлопца Джэры (Джон Лінч) у ложку зь ягонай былой дзяўчынай-амэрыканкай Лідыяй (Джын Трыплгорн). Гэлен кідае яго і зьязджае да сяброўкі Ганны (Зара Тэрнэр), якая прапанавала Гэлен зьмяніць прычоску, каб пачаць новае жыцьцё. Джэймз працягвае выпадкова зьяўляцца ў жыцьці Гэлен, падбадзёрваючы яе і заахвочваючы да стварэньня ўласнай фірмы па сувязях з грамадзкасьцю. Яны з Джэймзам закахаліся, не зважаючы на тое, што яна не была гатовая да пачатку новых адносінаў пасьля непрыгожага растаньня з Джэры. У рэшце рэшт, Гэлен выяўляе, што яна цяжарная. Мяркуючы, што гэта дзіця Джэймза, яна ідзе да яго ў офіс, але ашаломлена даведалася ад сакратаркі Джэймза, што ён жанаты. Джэймз знаходзіць яе на мосьце і тлумачыць, што ён быў жанаты, але цяпер разлучаны з жонкай і плянуе разжэнства, але ён і ягоная жонка падтрымліваюць бачнасьць шчасьлівага шлюбу дзеля сваёй хворай маці. Пасьля таго, як яны з Джэймзам прызнаюцца ў каханьні, Гэлен выходзіць на дарогу і яе зьбівае фургон.

У сюжэтнай лініі, у якой Гэлен прапускае цягнік, станцыя мэтро выпадкова зачыняецца і яна выходзіць зь яго, каб узяць таксі. Злодзей выхоплівае ў яе кайстрачку, талкаючы яе на дрэва. Параненую Гэлен таксіст адвозіць у шпіталь. Яна вяртаецца дадому ўжо пасьля таго, як Лідыя сышла, і яна не зьвяртае ўвагі на пакінутыя сьляды нявернасьці Джэры. Ня маючы магчымасьці знайсьці іншую працу, яна бярэ два няпоўных працоўных дня, каб аплочваць рахункі. Джэры працягвае таемна сустракацца зь Лідыяй, якая жадае атрымаць сабе Джэры цалкам. Гэлен падазрае Джэры ў нявернасьці, але пазьней высьвятляе, што яна цяжарная. Ёй тэлефануюць нібыта на сумоўе ў міжнародную піяр-фірму. Яна паведамляе Джэры гэтую навіну, але ня здолела паведаміць яму пра сваю цяжарнасьць. Лідыя заклікае Джэры праехаць да яе, відаць, каб растацца. Думаючы, што Гэлен зышла на інтэрвію, Джэры накіроўваецца да Лідыі. Знаходзячыся ў Лідыі, Джэры адчыняе дзьверы, каб хтосьці зазвоніў у дзьверы, але бачыць, як каля дзьвярэй стаіць Гэлен. Такая сустрэча была сплянаваная Лідыяй, каб нарэшце выкрыць іх раман з Джэры. Гэлен стаіць ашаломленая, а Лідыя ў гэты час паведамляе пра сваю цяжарнасьць ад Джэры. Зьнэрваваная, Гэлен ўцякае і падае зь лесьвіцы.

У абодвух сюжэтах Гэлен хутка прывозяць ў шпіталь, але яна губляе дзіця. У сюжэце, дзе яна першапачаткова села ў цягнік і сустрэла сваё новае каханьне Джэймза, яна памірае ў яго на руках, адразу пасьля таго, як ён скажа, што зробіць яе вельмі шчасьлівай. У той лініі, дзе Гэлен прапусьціла цягнік, яе вылекавалі і яна разышлася з Джэры. Яна выпісваецца і ўваходзіць у ліфт і губляе завушніцу, якую падбірае Джэймз.

Крытыка[рэдагаваць | рэдагаваць крыніцу]

Rotten Tomatoes дае фільму адзнаку 65%, заснаваную на 54 рэцэнзіях. Metacritic мае 59 пунктаў з 100 магчымых на падставе 23 водгукаў, паказваючы, такім чынам, на зьмяшаныя альбо сярэднія водгукі[12].

Крыніцы[рэдагаваць | рэдагаваць крыніцу]

Вонкавыя спасылкі[рэдагаваць | рэдагаваць крыніцу]