Трохкутны гандаль

Напрамкі трансатлянтычнага гандлю ў XVII—XVIII стст.

Трохкутны гандаль (па-ангельску: Triangular trade, Triangle trade) — характэрны для Новага часу (асабліва для XVII і XVIII стст.) трансатлянтычны гандлёвы абмен паміж трыма часткамі сьвету — Эўропай, Афрыкай і Амэрыкай.

Эўрапейскія судны курсіравалі паміж усімі вяршынямі «залатога трохкутніка»:

• ажыцьцяўлялі марскі пераход да берагоў Гвінэйскага заліва з мэтай набыцьця рабоў;
• пасьля захопу альбу пакупкі рабоў іх перавозілі праз Атлянтычны акіян для продажу ў Вест-Індыі ці ў кантынэнтальнай Амэрыцы;
• з Амэрыкі ў Эўропу вывозіліся вырабленыя з выкарыстаньнем рабскай працы прадукты — цукар, кава, какава, тытунь, індыга.