Талінская цэнтральная бібліятэка

Зьвесткі зь Вікіпэдыі — вольнай энцыкляпэдыі
Перайсьці да навігацыі Перайсьці да пошуку
Цэнтральная бібліятэка Таліна
Tallinna Keskraamatukogu
Tallinna vene seltskondliku kogu hoone, 1895. a..JPG
Тып бібліятэка
Месцазнаходжаньне Эстонія, Талін
www.keskraamatukogu.ee

Та́лінская цэнтра́льная бібліятэ́ка (па-эстонску: Tallinna Keskraamatukogu) — грамадзкая муніцыпальная бібліятэка ў Таліне (Эстонія).

Мінуўшчына[рэдагаваць | рэдагаваць крыніцу]

Публічная бясплатная бібліятэка і чытальны пакой у Таліне былі адчыненыя 27 кастрычніка 1907. Пры адкрыцьці фонд бібліятэкі налічваў 2000 тамоў[1].

У 1920 року бібліятэка пераехала ў новае памяшканьне на Эстонскай алеі, 8, збудаванае ў 1894—1895 для Талінскага Расейскага Грамадзкага сабраньня. Аўтарам праекту гэтага будынку быў акадэмік Міхаіл Прэабражэнскі, які таксама праектаваў сабор Аляксандра Неўскага на Вышгарадзе[1].

У 1926 была адчыненая першая філія, у 1933 — Моладзевая бібліятэка (пазьней Эстонская дзіцячая бібліятэка), у 1938 — Архіўная бібліятэка.

Пасьля прыходу Саветаў фонды бібліятэкі былі значна скарочаныя за кошт «чысткі». Так, калі ў 1937 року фонд налічваў 113 601 кнігу, дык у 1951 — 63 000. Да таго ж у 1951 року была ліквідаваная Архіўная бібліятэка зь яе 40 000 асобнікаў[1].

За Саветамі ў бібліятэцы пачалі ладзіцца разнастайныя мерапрыемствы, у 1993 зьявіліся першыя кампутары. Пасьля сканчэньня рамонту галоўнага будынку ў 2002 зьявіліся дзіцячы і музычны аддзелы, месцы для працы ў Сэціве.

Структура[рэдагаваць | рэдагаваць крыніцу]

Бібліятэчны аўтобус на вуліцы Таліна

У цяперашні час бібліятэка мае 17 філіяў, 1 026 928 адзінак выданьняў, зь якіх 58% на эстонскай, 37% на расейскай і 5% на іншых мовах[1].

У дадатак да сеткі філіяў з 13 траўня 2008 року талінцаў абслугоўвае таксама бібліятэчны аўтобус, які рухаецца па зададзеным маршруце з панядзелка па чацьвер. У пятніцы яго можна запрасіць у дзіцячыя сады, школы ды іншыя ўстановы (бясплатна ў межах Таліна). Узятыя ў бібліятэчным аўтобусе кнігі можна здаць у любой філіі Цэнтральнай бібліятэкі[2].

Філіі[рэдагаваць | рэдагаваць крыніцу]

  • Хаабэрсьці[3]
    • Бібліятэка Нурмэнуку
    • Бібліятэка Вяйке-Ыйсьмяэ
  • Ласнамяэ[4]
    • Бібліятэка Ляагна
    • Бібліятэка Паэпеалсэ
  • Мустамяэ[5]
    • Бібліятэка Сяэзэ
    • Бібліятэка Кяннукуке
    • Бібліятэка Мяньні
  • Нымэ[6]
    • Бібліятэка Мяньніку
    • Бібліятэка Нымэ
    • Бібліятэка Пяэскюля
  • Пірыта[7]
    • Бібліятэка Пірыта
    • Бібліятэка Мэрывялья
  • Пых’я[8]
    • Бібліятэка Калямая
    • Бібліятэка Пэльгурана
    • Бібліятэка Сыле
  • Цэнтар[9]
    • Бібліятэка Кадрыёру
    • Бібліятэка Тондзі
    • Бібліятэка Торупільлі

Крыніцы і заўвагі[рэдагаваць | рэдагаваць крыніцу]

  1. ^ а б в г История(рас.). Талінская цэнтральная бібліятэка. Праверана 26 верасьня 2012 г.
  2. ^ Библиотечный автобус(рас.). Талінская цэнтральная бібліятэка. Праверана 26 верасьня 2012 г.
  3. ^ Хааберсти(рас.) Филиалы. Талінская цэнтральная бібліятэка. Праверана 26 верасьня 2012 г.
  4. ^ Ласнамяэ(рас.) Филиалы. Талінская цэнтральная бібліятэка. Праверана 26 верасьня 2012 г.
  5. ^ Мустамяэ(рас.) Филиалы. Талінская цэнтральная бібліятэка. Праверана 26 верасьня 2012 г.
  6. ^ Нымме(рас.) Филиалы. Талінская цэнтральная бібліятэка. Праверана 26 верасьня 2012 г.
  7. ^ Пирита(рас.) Филиалы. Талінская цэнтральная бібліятэка. Праверана 26 верасьня 2012 г.
  8. ^ Пыхья Таллинн(рас.) Филиалы. Талінская цэнтральная бібліятэка. Праверана 26 верасьня 2012 г.
  9. ^ Центр города(рас.) Филиалы. Талінская цэнтральная бібліятэка. Праверана 26 верасьня 2012 г.

Вонкавыя спасылкі[рэдагаваць | рэдагаваць крыніцу]

Commons-logo.svg Талінская цэнтральная бібліятэкасховішча мультымэдыйных матэрыялаў