Тадзіяна Кляшторная

Зьвесткі зь Вікіпэдыі — вольнай энцыкляпэдыі
Перайсьці да навігацыі Перайсьці да пошуку
Тадзіяна Кляшторная
Асабістыя зьвесткі
Нарадзілася 5 студзеня 1932
Менск
Памерла 2 сакавіка 2011
Бацькі Тодар Кляшторны
Яніна Германовіч
Літаратурная дзейнасьць
Род дзейнасьці дзіцячая паэтка

Тадзіяна Тодараўна Кляшторная (5 студзеня 1932 — 2 сакавіка 2011) — дзіцячая пісьменьніца, старэйшая дачка Тодара Кляшторнага.

Біяграфія[рэдагаваць | рэдагаваць крыніцу]

Сям'я Кляшторных. У цэнтры ўнізе – паэт, над ім – жонка з дачкой Тадзіянай, бацька і маці. 1932 г.
Дочкі Тодара Кляшторнага: уверсе Мая і Валя, унізе – Тадзіяна з мужам і сынам.

Нарадзілася ў 5 студзеня 1932 у Менску. Хросным бацькам Тадзіяны быў Максім Лужанін[1]. Пасьля арышту сваёй маці 28 лістапада 1937 апекавалася некоторы час у бацькавай сястры Александрыны, затым у адным зь дзіцячых дамоў Мардовіі. Пасьля вайны скончыла Лепельскую пэдагагічную вучэльню. Пэўны час настаўнічала на Браслаўшчыне, дапамагала гадавацца малодшым сёстрам[2].

Мела траіх дзяцей — двух сыноў і дачку. Пасьля сьмерці мужа апошнім месцам працы быў дзіцячы садок[2].

Разам зь сястрой Маяй Кляшторнай прыкладала намаганьні па ўшанаваньні і папулярызацыі творчасьці свайго бацькі. У 2008 прысутнічала на адкрыцьці вуліцы імя Тодара Кляшторнага ў вёсцы Камень[3].

Творчасьць[рэдагаваць | рэдагаваць крыніцу]

Упершыню надрукавалася ў 1971 у лепельскай раённай газэце. Аўтарка кніг вершаў для дзяцей «Паўцякалі цацкі» (Менск: Юнацтва, 1982) і «Пахі вясны» (Менск: Юнацтва, 1991), укладальніца зборніка вершаў «Песьні любай ліры» гуртка «Паэтычная сьцяжынка» (Віцебск, 2001).

Некаторы час вяла дзіцячы літаратурны гурток пры Віцебскай гарадзкой бібліятэцы.

Крыніцы[рэдагаваць | рэдагаваць крыніцу]

  1. ^ Тадзіяна Кляшторная
  2. ^ а б Анатоль Вярцінскі (25 сакавіка 2011) Спачыла Тадзіяна Кляшторная. Новы час. Праверана 15 студзеня 2012 г.
  3. ^ Чытанні ў гонар Тодара Кляшторнага Праверана 15 студзеня 2012 г.

Вонкавыя спасылкі[рэдагаваць | рэдагаваць крыніцу]

Артыкулы
  • Кляшторная, Т. Белыя Курапаты / Т. Кляшторная // Лепельскі край. — 2003. — 11 сак. — С. 2.
  • Кляшторная, Т. Вяртанне / Т. Кляшторная // Віцебскі рабочы. — 1997. — 11 сак. — С. 4.
  • Кляшторная, Т. Паездка ў Парэчча / Т. Кляшторная // Лепельскі край. — 2005. — 3 мая. — С. 3.