Сяргей Малафееў
- Вікіпэдыя мае артыкулы пра іншых асобаў з прозьвішчам Малафееў.
Сяргей Георгіевіч Малафееў (1901, Вільня[1] — 12 красавіка 1969, Пэнлей, Вялікабрытанія) — беларускі грамадзка-палітычны дзяяч, доктар.
Біяграфія
[рэдагаваць | рэдагаваць крыніцу]Зь сям’і расейскага службоўца[1]. Вучыўся на мэдычным факультэце Віленскага ўнівэрсытэту.
Адзін з заснавальнікаў Беларускага Студэнцкага Саюзу. Старшыня БСС у 1922—1923 гадох[2].
З 1933 — дырэктар павятовага шпіталя ў Сьвянцянах, працаваў як хірург.
У кастрычніку 1939 арыштаваны ў Вільні савецкімі ўладамі, трапіў у лягер пад Архангельск, дзе працаваў пры вырубцы лесу. Здолеў патрапіць трапіў у Армію ген. Андэрса. Ваяваў пад Табрукам.
У 1947 трапіў у Вялікабрытанію, у польскі шпіталь у Пэнлей. Працаваў там асыстэнтам хірурга і лекарам на арыентальных параходах. Адыйшоў ад беларускага руху[3].
Крыніцы
[рэдагаваць | рэдагаваць крыніцу]- ^ а б Леанід Маракоў Рэпрэсаваныя медыцынскія і ветэрынарныя работнікі Беларусі 1920-1960: энцыклапедычны даведнік. Медысонт, 2010
- ^ Лена Казлоўская. Быў у нас такі дохтар…(недаступная спасылка) // Czasopis Nr 03/09
- ^ «Беларус» №555