Сяргей Бульба

Зьвесткі зь Вікіпэдыі — вольнай энцыкляпэдыі
Перайсьці да навігацыі Перайсьці да пошуку
Сяргей Бульба
Siarhei Bulba.jpg
Асабістыя зьвесткі
Нарадзіўся: 15 красавіка 1967 (52 гады)
Менск, Беларуская ССР, СССР
Дзеці: Кастусь, Багдан
Адукацыя: Менская вышэйшая інжынэрная зенітна-ракетная вучэльня

Сяргей Бульба[1], імя пры нараджэньні Сяргей Чыслаў (нар. 15 красавіка 1967 року, Менск, БССР) — беларускі палітычны дзяяч[2], прадпрымальнік, былы старшыня «Белага легіёну»[3].

Біяграфія[рэдагаваць | рэдагаваць крыніцу]

Нарадзіўся 15 красавіка 1967 року ў Менску. Навучаўся у Сярэдняй школе №50 Менску. З 1984 па 1989 навучаўся у Менскай вышэйшай інжынэрнай зенітна-ракетнай вучэльні (зараз Вайсковая акадэмія Рэспублікі Беларусь). Пасьля вучобы быў разьмеркаваны ў Чыцінскую вобласьць Забайкальскай вайсковай акругі ў частку каля кітайскай мяжы. У пераводзе на службу ў БССР было адмоўлена.

Вярнуўшыся ў Беларусь у 1991 року працаваў старэйшым адміністратарам беларускамоўнага ліцэю, а таксама быў намесьнікам кіраўніка "Выбранецкіх Шыхтоў".

Жанаты, мае сыноў Кастуся й Багдана.

Палітычная дзейнасьць[рэдагаваць | рэдагаваць крыніцу]

У 1988 року ў Менскім вышэйшым інжынерным зенітна-ракетным вучылішчы стварыў патрыятычную суполку з ліку курсантаў V курсу вучэльні, што займалася гістарычна-асьветніцкай дзейнасьцю. У сваім асяродку яны называлі сябе “Рух-63”, як нашчадкі Кастуся Каліноўскага. Штуршком да стварэньня першай беларускай нацыянальнай арганізацыі вайскоўцаў сталіся падзеі кастрычніка 1988 року, калі ў Менску быў жорстка разагнаны жалобны мітынг на Дзяды. Суполка сабрала каля 300 подпісаў за дзяржаўнасьць беларускай мовы. З красавіка 1989 року арганізацыя стала называцца “Вольнае згуртаваньне вайскоўцаў”. Заснавальнікаў арганізацыі раскідалі па гарнізонах, а найбольш актыўных — Сяргея Бульбу (Чыслава) і Вадзіма Малюшыцкага — выправілі ў Чыцінскую вобласьць.

У 1989 року быў адным з дзьвюх дзейсных афіцэраў - заснавальнікаў БНФ.[4]

У 1990 року быў вылучаны асабовым складам (жаўнерамі) кандыдатам на выбары ў Вярхоўны Савет СССР, але быў заблакаваны рашэньнем палітаддзелу. Пасьля гэтага напісаў рапарт на звальненьне. Быў звольнены па скарачэньні кадраў.

Быў адным са стваральнікаў Беларускага Згуртаваньня Вайскоўцаў, выконваў абавязкі адказнага й прэсавага сакратара Беларускага Згуртаваньня Вайскоўцаў. У сярэдзіне 90-х заняўся фармаваньнем маладзёвай структуры Беларускага Згуртаваньня Вайскоўцаў. Ва ўсіх рэгіёнах Беларусі на базе Беларускага Згуртаваньня Вайскоўцаў былі створаныя структуры ДРАБаў (Дружыны Рэгіянальнай Аховы й Бясьпекі). На базе “Чорных драбаў” узьнік “Белы легіён”[5].

У 1995 року Сяргей Бульба узначаліў Белы легіён[6][7].

Двойчы (у 2003 і 2008 рокі) ўдзельнічаў у выбарах у Палату прадстаўнікоў Нацыянальнага Сходу Рэспублікі Беларусь.[8][9]

Пасьля 2003 року актыўнай палітычнай дзейнасьцю не займаўся [10], да 2008 року займаўся прадпрымальніцкай дзейнасьцю ў Беларусі. Пасьля 2008 року ў Беларусі жыў рэдка, жыў у Непале, Індыі, Тыбеце, Лацінскай Амэрыцы. У 2012 року афіцыйна зьмяніў прозьвішча з Чыслаў на Бульба.[11][12]

У 2013 року разам з сям'ёй перабраўся на сталае жыхарства ў Украіну. Мае свой бізнэс у IT-сфэры.

Перасьлед за палітычную дзейнасьць[рэдагаваць | рэдагаваць крыніцу]

Восеньню 1996 року быў вывезены спецслужбамі Беларусі ў лес каля Слуцку, перажыў клінічную сьмерць й тры тыдні правёў у лякарні.[13]

7 ліпеня 2008 року былых кіраўнікоў арганізацыі Ігара Корсака, Міраслава Лазоўскага й Сяргея Бульбу (Чыслава) затрымалі па справе аб выбуху 3 ліпеня 2008 року, абвінавацілі па арт. 339 Крымінальнага кодэксу Рэспублікі Беларусь ("Хуліганства"), аднак неўзабаве вызвалілі з-пад варты.[14]

Бібліяграфія[рэдагаваць | рэдагаваць крыніцу]

У сааўтарстве са Станіславам Суднікам выдаў Руска-Беларускі вайсковы слоўнік.[15][16]

Крыніцы[рэдагаваць | рэдагаваць крыніцу]

  1. ^ Стваральнік «Белага легіёну» Сяргей Чыслаў: нашай уладзе трэба звярнуцца да здаровага патрыятызму
  2. ^ Сяргей Чыслаў пра гісторыю «Белага легіёну»
  3. ^ Сяргей Чыслаў: «Белы легіён» — гэта не арганізацыя, гэта стан душы
  4. ^ З савецкіх падводнікаў у беларускія пісьменьнікі. Гісторыя Паўла Ляхновіча
  5. ^ Белы легіён – праўда й міты
  6. ^ Ствараецца «Белы легіён»
  7. ^ «На нас Караткевіч паўплываў» — Сяргей Чыслаў пра гісторыю «Белага легіёну»
  8. ^ КОЛЬКАСЬЦЬ ПРЭТЭНДЭНТАЎ НА ВЫБАРЧЫЯ МАНДАТЫ СКАРАЧАЕЦЦА ШТОДНЯ
  9. ^ Кадыдат зьняты з выбараў за паказ фільмаў
  10. ^ Заснавальнік “Белага легіёна”: Пагроза для Беларусі з боку Расіі змяншаецца
  11. ^ Сяргей Чыслаў: Нашай уладзе трэба звярнуцца да здаровага патрыятызму
  12. ^ Стваральнік "Белага легіёну" Сяргей Чыслаў патлумачыў, чаму змяніў прозвішча на Бульба
  13. ^ Лідар «Белага легіёну»: Я перажыў клінічную смерць
  14. ^ “Белы легіён” не існуе, але цікавіць сьледзтва
  15. ^ Беларуская вайсковая тэрміналёгія: «Крокам руш!»
  16. ^ Як і хто распрацоўваў беларускую вайсковую тэрміналёгію? (+слоўнічак)