Сянно (возера)

Возера Сянно Панарама Сянно Возера Сянно Краіна Беларусь Плошча 3,15 км² Плошча вадазбору 67,9 км² Максымальная глыбіня 31,5 м Найбольшая даўжыня 6,03 км Найбольшая шырыня 0,92 км Даўжыня берагавой лініі 18,9 км Вышыня над узроўнем мора 143,4 м Каардынаты 54°50′08″ пн. ш. 29°42′05″ у. д. Сянно на мапе Беларусі Сянно

Галерэя здымкаў у Вікісховішчы

Сянно, Сеньненскае — возера ў Беларусі, у басэйне ракі Крывінкі. Знаходзіцца ў Сеньненскім раёне Віцебскай вобласьці. Плошча паверхні возера 3,15 км². Даўжыня 6,03 км, найбольшая шырыня 0,92 км. Найбольшая глыбіня дасягае 31,5 м. Даўжыня берагавой лініі 18,9 км.

На паўднёвым беразе возера стаіць места Сянно.

Апісаньне

Катлавіна возера лагчыннага тыпу, выцягнутая ў кірунку з паўночнага захаду на паўднёвы ўсход. Рэльеф дна няроўны, найбольш глыбокія месцы ў сярэдзіне возера і ідуць у кірунку з поўдня на поўнач. Схілы катлавіны вышынёй да 21 мэтраў. Берагі возера вышынёй да 0,6 мэтраў і месцамі зьліваюцца з схіламі катлавіны. Мелкаводная зона вузкае і пясковае, займае каля 28 % плошчы возера. На вялікіх глыбінях дно засланае глеем. Шырыня паласы надводнай расьліннасьці да 50 м.

У возера ўпадаюць каля 20 ручаёў, у тым ліку з Кулікоўскага возера. Злучаецца пратокай з Багданаўскім возерам на поўначы.

Флёра і фаўна

У возеры водзяцца шчупак, акунь, плотка, лінь, краснапёрка, карась, мянтуз; ёсьць вугор.

Літаратура

• Энцыклапедыя прыроды Беларусі: у 5 т. Т. 5: Стаўраструм ― Яшчур / Рэдкал.: І. П. Шамякін (галоўны рэдактар) і інш. — Мн.: БелСЭ, 1986. — 581 с.