Сэўта

	Сэўта
	гішп. Ceuta
Герб Сэўты	Сьцяг Сэўты
Краіна:	Гішпанія
Аўтаномны горад:	Сэўта
Плошча:	18,5 км²
Вышыня:	10 м н. у. м.
Насельніцтва (2011)
колькасьць:	78 674 чал.
шчыльнасьць:	4252,65 чал./км²
Часавы пас:	UTC+1
летні час:	UTC+2
Тэлефонны код:	856, 956
Паштовы індэкс:	51000–51999
Нумарны знак:	CE
Геаграфічныя каардынаты:	35°53′12.01″ пн. ш. 5°18′0.00″ з. д. / 35.8866694° пн. ш. 5.3° з. д.Каардынаты: 35°53′12.01″ пн. ш. 5°18′0.00″ з. д. / 35.8866694° пн. ш. 5.3° з. д.
	Сэўта на мапе Гішпаніі Сэўта
	Галерэя здымкаў у Вікісховішчы
	http://www.ceuta.es/

Сэ́ўта — гішпанская адміністрацыйная адзінка, горад, які знаходзіцца на паўвысьпе, утвараючай афрыканскую палову Гібральтарскай пратокі. Зьяўляецца гішпанскім анклявам на тэрыторыі Афрыкі. Плошча каля 18,5 км², насельніцтва 76 152 чалавекі. Сэўта мае статус аўтаномнага гораду. У Сэўце знаходзіцца самы блізкі да Эўропы афрыканскі порт і гішпанская вайскова-марская база. Як і Мэлільля, Сэўта мае свайго прадстаўніка ў Гішпанскіх Картэсах.

Гісторыя

У V стагодзьдзі да н. э. на тэрыторыі сучаснай Сэўты знаходзіўся фінікійскі горад Абыла. У 45 годзе яна была заваяваная рымлянамі, назва была зьмененая на Сэпэм Фратрэс. Праз 400 гадоў вандалы выбілі з гораду рымлянаў і ўсталявалі над ім кантроль. Некаторы час горад уваходзіў у склад Бізантыі. У 710 годзе арабы, заняўшы Сэўту, зрабілі яе адным з асноўных партоў для пераправы войскаў на Ібэрыйскую паўвыспу.

Горад шмат разоў атакаваўся бэрбэрскімі плямёнамі, і пасьля аднаго з набегаў горад ня быў адноўлены. Чалавечыя паселішчы пачалі тут зноў зьяўляцца толькі ў ІХ стагодзьдзі. У 1309 годзе была заваяваная Фэзам. З 1415 году была ўсталяваная ўлада Партугаліі. Сэўта стала цэнтрам гандлю рабамі і слановай косьцю. У 1580 годзе Сэўту заваявалі гішпанцы, але ў 1640 годзе партугальцы вярнулі горад. Канчатковы гішпанскі кантроль быў усталяваны згодна зь Лісабонскім трактатам з 1 чэрвеня 1688 году.

Калі ў 1956 годзе Гішпанія прызнала незалежнасьць Марока, Сэўта засталася ў складзе Гішпаніі. Цяпер Сэўта адносіцца да гішпанскай правінцыі Андалюзія, зь некаторай аўтаноміяй. Ад гішпанскага ўзьбярэжжа яе аддзяляе каля 20 км.