Сьвятая Шушанік

	Сьвятая Шушанік
	Շուշանիկ
	Сьвятая Шушанік
Сьвятая
Сьвецкае імя	Вардэні Маміканян
Нарадзілася	440; Армэнія
Памерла	475; Цуртаві, Грузія
Шануецца	Праваслаўная царква; Грузінская праваслаўная царква; Армянская апостальская царква; Усходнія каталіцкія цэрквы;
Услаўленая	Мучаніцкая каралева
Дзень памяці	17 кастрычніка (праваслаўе), 20-26 верасьня (Армянская апостальская царква і ўсходнія цэрквы)
	Сьвятая Шушанік у Вікісховішчы

Сьвятая Шушанік (па-армянску: Շուշանիկ, па-грузінску: შუშანიკი), у сьвеце Вардэні Маміканян (к. 440, Армэнія — 475, Цуртаві(ka), Грузія) — раньнесярэднявечная хрысьціянская армянская мучаніца, замардаваная сваім мужам Варскенам. Прызнаная мучаніцай за веру, ейнае стаяньне ў веры апісанае ў агіяграфічнай працы ейнага спавядальніка Якуба «Мучаніцтва сьвятой каралевы Шушанік».

Жыцьцяпіс[рэдагаваць | рэдагаваць крыніцу]

Шушанік была дачкой армянскага галоўнакамандуючага (спарапэта) Вардана Маміканяна, і выйшла замуж за заможнага міхранідзкага фэўдала (пітыяхша) Варскена, сына Аршуша II. Варскен супрацьстаяў картлійскаму каралю Вахтангу I і заняў пра-пэрсыдзкую пазыцыю, выракшыся хрысьціянства і навярнуўшыся ў зараастрызм. Пасьля адмовы жонкі вырачыся хрысьціянскай веры ён забіў Шушанік, а сам загінуў ад рукі караля Вахтанга ў 483 року.

Шушанік была кананізаваная Грузінскай праваслаўнай царквой і шанаваная ў Армянскай апостальскай царкве. У Грузіі ейны дзень памяці адзначаецца 17 кастрычніка, а ў Армэніі — у аўторак у пэрыяд між 20-26 верасьня.