Станіслаў Патапчук

	Станіслаў Патапчук; Stanisław Potapczuk
	10 лістапада 1914—2004
Мянушка	Sewer
Месца нараджэньня	Яблань, Люблінскае ваяводзтва
Прыналежнасьць	Другая Рэч Паспалітая; Польская народная рэспубліка
Званьне	падпалкоўнік
Бітвы/войны	Другая сусьветная вайна

Станісла́ў Патапчу́к (па-польску: Stanisław Potapczuk; 10 лістапада 1914, Яблань(pl), Люблінскае ваяводзтва — 2004) — камэндант вобласьці Бяла-Падляска акругі Люблін Сялянскіх батальёнаў, падпалкоўнік, дзяржаўны дзяяч.

Жыцьцярыс

Нарадзіўся ў сям’і Стэфана і Ўльяны. У 1929 року скончыў агульнаадукацыйную школу ў Вішніцах, у 1935 — будаўнічы тэхнікум у Любліне. Працаваў на вымярэньні ракі Тур’я. Скончыў дывізійны курс падхаружых-рэзэрвістаў 20-е дывізіі пяхоты пры 79-ы палку пяхоты ў Слоніме. Атрымаў званьне капрала падхаружага.

Падчас абарончай вайны (1939) браў удзел у абароне Варшавы. У кастрычніку 1939 быў арыштаваны НКВД, аднак здолеў уцячы з-пад аховы. Быў адным з арганізатараў падпольнае Каманды абаронцаў Польшчы(pl). Пасьля яе раскрыцьця і разгроме ў 1941 далучыўся да Народнай партыі «Рох»(pl) і Сялянскіх батальёнаў. У 1942 стаў камэндантам вобласьці Бяла-Падляска Сялянскіх батальёнаў, пачаў навучаньне ў падпольным Вольным унівэрсытэце польскім(pl) на факультэце права і сацыяльна-эканамічных навук. У 1944 быў адным са стваральнікаў лясной школы падхаружых пры I батальёне імя Падляскай зямлі Сялянскіх батальёнаў. Атрады пад кіраўніцтвам Станіслава Патапчука зьдзейсьнілі вялікую колькасьць вайсковых апэрацыяў супраць цягнікоў і заводаў нямецкіх акупантаў. Значнае павышэньне актыўнасьці атраду адбылося ў ліпені 1944 року падчас Акцыі «Бура».

Па вайне скончыў эканамічную адукацыю ў Лодзкім ўнівэрсытэце. У 1946—1980 працаваў у Цэнтральным бюро па плянаваньні, дзе выконваў функцыі старшыні Аддзелу інвэстыцыяў сельскай гаспадаркі, транспарту і гандлю.

Узнагароды

Літаратура

Wojtas, Marian. Słownik biograficzny żołnierzy Batalionów Chłopskich : IV Okręg Lublin. — Lublin: Stowarzyszenie Byłych Żołnierzy Batalionów Chłopskich, 1998. — С. 479. — ISBN 83-85223-60-6
Wojtas, Marian. Słownik biograficzny żołnierzy Batalionów Chłopskich : IV Okręg Lublin. — Stowarzyszenie Żołnierzy Batalionów Chłopskich, 2001. — Т. II. — С. 611. — ISBN 83-91313-50-6