Бібліятэка

Бібліятэ́ка (з грэцкай мовы: βιβλιοθηκη, biblion — кніга, theke — сховішча) — падабраны пэўным чынам збор кніг, які зьяўляецца прыватнай або грамадзкай уласнасьцю. Установа, якая зьбірае і захоўвае кнігі ды іншыя электронныя, друкаваныя і рукапісныя творы, прапагандуе і выдае кнігі чытачом. Галіна ведаў пра формы і мэтады арганізацыі бібліятэчнай справы называецца бібліятэказнаўствам.

Бібліятэка Geisel Каліфарнійскага ўнівэрсытэту ў Сан-Дыега

У апошнія гады бібліятэкі набываюць усё большае значэньне ня толькі як месца захаваньня папяровых кніг, але як цэнтар доступу да інфармацыі з шматлікіх крыніцаў і носьбітаў: мапы, мікрафільмы, аўдыёкасэты, відэакасэты, DVD-дыскі, базы дадзеных і іншая інфармацыя на CD-ROM, выйсьце да інтэрнэту.

Гісторыя

Бібліятэкі ўзьніклі яшчэ ў глыбокай старажытнасьці. Спачатку ў іх зьбіралі гліняныя ды каменныя табліцы (Асырыя, Бабілён), потым — папірусныя скруткі (Эгіпет), пэргамэнтныя, а пазьней папяровы рукапісныя кнігі. Найбольш вядомымі бібліятэкамі старажытнага сьвету былі Александрыйская (3 стагодзьдзе да н.э.), асырыйскага цара Ашурбаніпала (7 стагодзьдзе да н.э.). У Сярэднявеччы бібліятэкі часта існавалі пры манастырах, каралеўскіх ды княскіх дварах, у першых унівэрсытэтах.

Вонкавыя спасылкі

Бібліятэка — сховішча мультымэдыйных матэрыялаў

• Электронная бібліятэка «Беларуская палічка»
• Электронная калекцыя слоўнікаў і энцыкляпэдыяў
• Інтэрнэт-бібліятэка «Камунікат»
• Бібліятэчны блог (у асноўным па-расейску)
• «Бібліятэка Свабоды. XXI стагодзьдзе» (PDF і DOC)