Лядовае пабоішча

Лядовае пабоішча
Лівонскі паход на Русь
Лядовае пабоішча. Мініяцюра сярэдзіны XVI стагоддзя.
Дата: 5 красавіка 1242 Месца: Чудзкое возера Вынік: перамога Ноўгараду
Супернікі
Ноўгарад, Уладзімер	Тэўтонскі ордэн, дацкія рыцары
Камандуючыя
Аляксандар Неўскі, Андрэй Яраславіч	Андрэас фон Фэльфэн
Колькасьць
15—17 тыс.чал.	10—12 тыс.чал.
Страты
невядомыя	400 забітыя, 50 узятыя ў палон

Лядо́вае пабо́ішча (па-нямецку: Schlacht auf dem Eise, па-расейску: Ледовое побоище, па-лацінску: Prœlium glaciale — «Лядовая бітва»), таксама бі́тва на Чудзкі́м во́зеры (ням. Schlacht auf dem Peipussee) — бітва наўгародцаў і ўладзімерцаў на чале з Аляксандрам Неўскім супраць рыцараў Лівонскага ордэна, якая адбылася 5 красавіка 1242 року на Чудзкім возеры. Назва «Лядовае пабоішча» паходзіць з таго факту, што бітва адбывалася на заледзянелым возеры.

У 1240 року, скарыстаўшыся аслабленьнем усходніх земляў наездамі татара-манголаў, крыжакі зладзілі чарговы крыжовы паход на паганцаў і славянаў. Тэўтонцы ўзялі Ізборск, разьбіўшы пскоўцаў, і аблажылі Пскоў, які быў узяты праз тыдзень.

У 1242 року Аляксандар Яраславіч з дапамогаю ўладзімерскага князя Андрэя адбіў Пскоў, а вырашальная бітва адбылася на Чудзкім возеры. Гэтая параза спыніла паходы крыжакоў на гэтыя землі на цэлае стагодзьдзе.

Літаратура

• Лядовае пабоішча // Лядовае пабоішча // Беларуская энцыклапедыя: У 18 т.. — Мн.: 1999 Т. 9: Кулібін — Малаіта. — С. 419—420.

Вонкавыя спасылкі

Лядовае пабоішча — сховішча мультымэдыйных матэрыялаў

• Наўгародзкі Першы летапіс старэйшага ізводу (1233—1265)
• Лівонская рыфмаваная хроніка (фрагмэнт)(недаступная спасылка)