Рэншэльд
| Рэншэльды | |
| Rehnsköld | |
 Герб Рэншэльдаў
| |
| Краіна паходжаньня: | Швэцыя |
| Тытул: | графы |
| Першы з роду: | Гергард Кэвэнбрынк фон Рэнэ |
| Адгалінаваньне роду: | Кэвэнбрынк |
Рэншэльд (па-швэдзку: Rehnsköld) — швэдзкі арыстакратычны (графскі) род нямецкага паходжаньня. Заснавальнікам роду быў Гергард Кэвэнбрынк фон Рэнэ (па-нямецку: Gerhard Kewenbringk von Rehne), які нарадзіўся ў 1580-я гады ў Нямеччыне і быў прадстаўніком старажытнага вэстфальскага арыстакратычнага роду. Яго сын Юган Кэвэнбрынк становіцца прыказчыкам маёнткаў Аксэля Левэнгаўпта ў Швэцыі. Два сыны Югана сталі заснавальнікамі двух адгалінаваньняў роду: ад Аксэля Югансана пайшла арыстакратычная галіна Кэвэнбрынк, а Антоні Гансан Кэвэнбрынк быў узьведзены ў шляхту ў 1639 пад прозьвішчам Рэншэльд, а ў 1640 стаў сябрам Швэдзкага Рыцарскага дому пад нумарам 270. Адзін з сыноў Антоні Гансана Рэншэльда, Юган Адольф Рэншэльд стаў дзяржаўным міністрам пры Карле XI, а іншаму — Карлу Густаву — быў нададзены тытул графа пад нумарам 48. Але ўжо ў 1722 гэты арыстакратычны род вымер.
Вядомыя прадстаўнікі роду
[рэдагаваць | рэдагаваць крыніцу]- Карл Густаў Рэншэльд (1651—1722) — швэдзкі фэльдмаршал, граф
Вонкавыя спасылкі
[рэдагаваць | рэдагаваць крыніцу]- Gabriel Anrep, Svenska adelns Ättar-taflor, volym 3