Рэдактар цэтлікаў

Зьвесткі зь Вікіпэдыі — вольнай энцыкляпэдыі
Перайсьці да навігацыі Перайсьці да пошуку
Рэдактар цэтлікаў MusicBrainz Picard

Рэдактар цэтлікаў/тэгаў — тып праграмаў, прызначаных для рэдагаваньня мэтазьвестак мультымэдыйных файлаў, а ня зьместу самога файлу. Звычайна выкарыстоўваюцца для рэдагаваньня цэтлікаў аўдыёфайлаў ID3, APE і камэнтароў Vorbis, хоць могуць прымяняцца і пры рэдагаваньні мэтазьвестак JPEG, PDF і TIFF-файлаў.

Рэдагаваньне цэтлікаў патрэбнае дзеля выпраўленьня мэтазьвестак, магчымасьці сартаваньня мультымэдыйных файлаў, напрыклад калекцыі музыкі. Часта рэдагаваньне адбываецца ў масавым рэжыме, каб не даводзілася рэдагаваць кожны асобна ўзяты файл.

Спосабы рэдагаваньня аўдыёфайлаў[рэдагаваць | рэдагаваць крыніцу]

Ручны[рэдагаваць | рэдагаваць крыніцу]

Рэдактар цэтлікаў выяваў DigiKam

Мэдыяпрайгравальнікі кшталту iTunes, Foobar2000 ці Winamp, а таксама спэцыялізаваныя рэдактары дазваляюць уручную рэдагаваць цэтлікі і зьвесткі пра песьні, у тым ліку кампазытара, год выданьня. Рэдактары цэтлікаў могуць таксама прадастаўляць пакетную апрацоўку і стварэньне цэтлікаў зь імёнаў файлаў, і наадварот.

Анляйнавыя музычныя базы[рэдагаваць | рэдагаваць крыніцу]

Існуюць рэдактары цэтлікаў, што параўноўваюць існыя мэтазьвесткі аўдыёфайлу з інфармацыяй у он-лайнавых музычных базах зьвестак (напрыклад, Gracenote, Discogs, freedb, Zortam ці MusicBrainz). Калі адпаведнасьць знойдзеная, адтуль можна загрузіць дадатковыя мэтазьвесткі. Гэты працэс паўаўтаматычны, паколькі можа знайсьціся некалькі адпаведнасьцяў[1].

Акустычныя адбіткі[рэдагаваць | рэдагаваць крыніцу]

Асноўны артыкул: Акустычны адбітак пальцаў

Акустычны адбітак пальцаў — унікальны код, згенэраваны з гукавой крывой. У залежнасьці ад альгарытму акустычныя адбіткі могуць выкарыстоўвацца для аўтаматычнай катэгарызацыі або ідэнтыфікацыі гукавога файлу. Практычнае выкарыстаньне акустычных адбіткаў уключае кантроль вяшчаньня ці вызначэньне музыкі, якая гучыць[2], сеткавы маніторынг P2P, кіраваньне лічбавай бібліятэкай гукаў, распазнаваньне відэа.

Хэш-функцыя[рэдагаваць | рэдагаваць крыніцу]

Для распазнаваньня аўдыё, напрыклад, высьвятленьня, ці супадае пэўны MP3-файл са сьпісам вядомых файлаў, можна карыстацца распаўсюджанымі хэш-функцыямі, такімі як MD5, але яны будуць вельмі адчувальнымі да магчымых перашкодаў (часавы зрух, памылкі чытаньня CD, розныя альгарытмы сьціску, зьмены ўзроўню гучнасьці). Выкарыстаньне MD5 прымальнае на першым этапе для пошуку дакладна ідэнтычных файлаў, але для пошуку ўсіх аднолькавых аб’ектаў патрэбны дасканалейшы альгарытм.

Сьпіс рэдактараў цэтлікаў[рэдагаваць | рэдагаваць крыніцу]

Ніжэй пададзены сьпіс рэдактараў. Сюды ня ўключаныя мультымэдыйныя прайгравальнікі, якія пераважна маюць функцыі рэдагаваньня цэтлікаў.

Аўдыёфайлы[рэдагаваць | рэдагаваць крыніцу]

Графічныя файлы[рэдагаваць | рэдагаваць крыніцу]

Відэафайлы[рэдагаваць | рэдагаваць крыніцу]

Крыніцы[рэдагаваць | рэдагаваць крыніцу]

  1. ^ Quick Start(анг.). MusicBrainz. Праверана 27 лютага 2019 г.
  2. ^ ISO/IEC 21000 // Encyclopedia of Multimedia. — Springer US, 2008. — С. 376. — ISBN 9780387747248. — DOI:10.1007/978-0-387-78414-4_549
  3. ^ ID3-TagIT(ням.) Праверана 27 лютага 2019 г.

Вонкавыя спасылкі[рэдагаваць | рэдагаваць крыніцу]

Commons-logo.svg Рэдактар цэтлікаўсховішча мультымэдыйных матэрыялаў