Робэрт Генін

Робэрт Львовіч Генін
Аўтапартрэт. Каля 1908
Дата нараджэньня	1884(1884)
Месца нараджэньня	Высокае, Клімавіцкі павет, Магілёўская губэрня
Дата сьмерці	1941(1941)
Месца сьмерці	Масква
Грамадзянства	Расейская імпэрыя Расейская імпэрыя Расейская імпэрыя
Адукацыя	Віленская народная мастацкая школа
Альма-матэр	Віленская рысавальная школа Трутнева і Адэскае мастацкае вучылішча імя М. Б. Грэкава[d]
Занятак	мастак і мастак-гравэр
Жанры	партрэт
Робэрт Львовіч Генін у Вікісховішчы

Робэрт Львовіч Генін (1884, Высокае, Клімавіцкі павет, Магілёўская губэрня — 1941, Масква) — мастак, графік.

Біяграфія

Нарадзіўся ў сям’і крамніка. Вучыўся ў Віленскай народнай мастацкай школе акадэміка Івана Трутнева, у Адэскай мастацкай вучэльні Таварыства прыгожых мастацтваў імя Вялікага князя Ўладзімера Аляксандравіча. У 1902 годзе накіраваўся на вучобу ў Мюнхэн у школу А. Ажбэ, але расчараваўся ў ёй.

Пазьней пераехаў у Парыж, жыў у камуне мастакоў «Вулей» (1904—1905). У 1904—1906 гг. вучыўся ў Акадэміі Р. Жуліяна і на факультэце сацыяльных навук у Сарбоне, потым вярнуўся ў Мюнхэн, дзе ўваходзіў у аб’яднаньне «Sema».

Удзельнік «Восеньскага салёну» (1907). Сумесна з М. Фінгештэнам выдаў цыкль рыцінаў сухой іголкай «З бэрлінскіх прытонаў» (1919). У 1936 г. у галерэі «Ліліенфэльд» прайшла апошняя пэрсанальная выстаўка. У 1936 г. вярнуўся ў СССР, сябар МАССМ (Маскоўскі абласны саюз савецкіх мастакоў) з 1937 г. У верасьні 1941 г. пасьля пачатку вайны зь Нямеччынай спрабаваў запісацца ў апалчэньне. Памёр у Маскве.

Творы захоўваюцца ў Мастацкім музэі Рэгентсбургу, Бэрлінскім мастацкім музэі, Нацыянальным мастацкім музэі Рэспублікі Беларусь, прыватных калекцыях Нямеччыны, Швайцарыі, Францыі, Нідэрляндаў, ЗША, Расеі ды Беларусі.

Галерэя

• 

  Музыка зь ліловым буйвалам і малпачкай (1926)

• 

  Жанчыны працуюць (каля 1912)

• 

  Мужчыны працуюць (каля 1912)

• 

  Жыхарка востраву Балі (1926)

• 

  Танцаўшчыца Legong (1926)

• 

  Чарлi Чаплiн (1921)

• 

  Аўтапартрэт на фоне царквы (1930)

Літаратура

• Дзесяць стагоддзяў мастацтва Беларусі. — Мінск: "Чатыры чвэрці", 2014. — С. 232. — 600 ас.

Вонкавыя спасылкі

Робэрт Генін — сховішча мультымэдыйных матэрыялаў

• Алексей Родионов. Художник Роберт Генин (1884—1941). Творчество и судьба^(рас.)