Піліп Кізевіч

Зьвесткі зь Вікіпэдыі — вольнай энцыкляпэдыі
Перайсьці да навігацыі Перайсьці да пошуку

Пілі́п Кізе́віч (11 лістапада 1893, в. Стральцы, Гарадзенскі павет — ?) — беларускі грамадзка-палітычны дзяяч.

Біяграфія[рэдагаваць | рэдагаваць крыніцу]

У верасьні 1926 году — скарбнік Гарадзенскага павятовага камітэту БСРГ. Сябра Гарадзенскай гарадзкой управы ТБШ на 23 сакавіка 1927 году. На выбарах у сойм 1928 году ўваходзіў у склад Беларускага сялянска-работніцкага саюзу.

На зьезьдзе павятовых дэлегатаў ТБШ у Горадні 12 ліпеня 1928 году быў абраны скарбнікам Гарадзенскага акруговага і павятовага праўленьняў ТБШ. Удзельнік Гарадзенскага акруговага зьезду ТБШ 14 кастрычніка 1928 году, дзе абраны дэлегатам на агульны сход ТБШ у Вільні. Сябра Галоўнай управы ТБШ.

На яго імя было аформлена валоданьне беларускай кнігарняй у Горадні. Арыштаваны паліцыяй 7 ліпеня 1929 году.

Пасьля Другой сусьветнай вайны жыў у Польшчы. Сябра праўленьня Беларускага грамадзка-культурнага таварыства ў Беластоку. Дырэктар беластоцкіх вадаправодаў[1].

Крыніцы[рэдагаваць | рэдагаваць крыніцу]

  1. ^ Сакрат Яновіч. Не жаль пражытага // Бібліятэка Беларускага літаратурнага аб’яднаньня Белавежа (40), Беласток 2002, 190 с.

Вонкавыя спасылкі[рэдагаваць | рэдагаваць крыніцу]