Паўстаньне баксэраў

Іхэтуані ў Цяньцзіне

Паўста́ньне баксэ́раў, Іхэтуа́ньскае паўстаньне (2 сьнежня 1899 — 7 верасьня 1901) — паўстаньне кітайскага патаемнага таварыства супраць «чужаземцаў» («белых барбараў»), якія ўмешваліся ў эканоміку, унутраную палітыку і рэлігійнае жыцьцё.

Напачатку паўстаньне падтрымалі ўлады Кітаю, але празь нейкі час іператрыца Цы Сі перакінулася на бок Альянсу васьмі дзяржаваў, які й задушыў паўстаньне. Асобныя выступы працягваліся да 1902 году.