Паўночны востраў (Новая Зэляндыя)

Паўно́чны во́страў — адзін з двух галоўных астравоў Новай Зэляндыі, аддзелены ад Паўднёвага вострава пралівам Кука шырынёй 35 кілямэтраў. На Паўночным востраве пражывае большая частка насельніцтва Новай Зэляндыі, тут жа знаходзіцца самы буйны горад краіны — Оклэнд (1,3 мільёну жыхароў) і сталіца Вэлінгтан (300 000 жыхароў). Плошча вострава складае 114 597 км². На востраве шмат актыўных вулканаў і гейзэраў. Самым высокай гарой зьяўляецца вулькан Руапэху (вышыня 2794 мэтры).