Паловіца

Зьвесткі зь Вікіпэдыі — вольнай энцыкляпэдыі
Перайсьці да навігацыі Перайсьці да пошуку
Рака
Паловіца
Выток каля в. Кролікі
Вусьце Галбіца
Краіны басэйну Беларусь
Даўжыня 38 км
Сярэднегадавы сьцёк 1,3 м³/с
Плошча басэйну 211 км²
Нахіл воднай паверхні 0,9 ‰

Пало́віца — рака ў Пастаўскім раёне Віцебскай вобласьці, левы прыток ракі Галбіцы (басэйн Дзьвіны). Даўжыня 38 км. Плошча вадазбору 211 км². Выдатак вады ў вусьці 1,3 м³/с. Сярэдні нахіл воднай паверхні 0,9‰.

Асноўны прыток — рака бяз назвы каля вёскі Чашуны.

Агульныя зьвесткі[рэдагаваць | рэдагаваць крыніцу]

Пачынаецца за 0,9 км на паўднёвы захад ад вёскі Кролікі, вусьце на поўдзень ад вёскі Рымкі. Цячэ паўднёва-заходняй часткай Полацкай нізіны.

Даліна ў высокай плыні на працягу 10—12 км слабавыразная, ніжэй трапэцападобная (шырыня 0,5—0,7 км). Абалона пераважна двухбаковая, у нізоўі чаргуецца па берагах (шырыня 60—100 м). Рэчышча ў вярхоўі на працягу 3 км звычайна ў межань перасыхае. Рэчышча на працягу 29,2 км угару ад вусьця і 4,5 км у высокай і сярэдняй плыні каналізаванае.

Каля вёскі Кунды ад ракі адыходзіць канал, якім частка сьцёку перакідваецца ў раку Лучайка[1].

Крыніцы[рэдагаваць | рэдагаваць крыніцу]

  1. ^ Блакітная кніга Беларусі. Энцыкл. — Менск, 1994. С. 282—283

Літаратура[рэдагаваць | рэдагаваць крыніцу]

  • Блакітная кніга Беларусі: энцыкл. / Рэдкал.: Н. А. Дзісько, М. М. Курловіч, Я. В. Малашэвіч і інш.; Маст. В. Г. Загародні. — Менск: БелЭн, 1994. — 415 с. ISBN 5-85700-133-1. С. 282—283