Палац Агінскіх (Горадня)

Зьвесткі зь Вікіпэдыі — вольнай энцыкляпэдыі
Перайсьці да навігацыі Перайсьці да пошуку

Пала́ц Агі́нскіх — колішні будынак у Гародні, які існаваў у канцы XVIII — сярэдзіне XIX стст. Пабудаваны ў 1790 р. паводле праекту архітэктара К. Шыльдгаўза ў стылі клясыцызму з элемэнтамі народнага дойлідзтва. Не захаваўся.

Архітэктура[рэдагаваць | рэдагаваць крыніцу]

Уяўляў сабой двухпавярховы прастакутны ў пляне будынак з разьвітымі рызалітамі ў цэнтры галоўнага і дваровага фасадаў і 4 алькежамі па кутох. На мураваным першым паверсе знаходзіліся каморы і парадная двухмаршавая лесьвіца. Драўляны другі паверх уключаў жылыя пакоі, залы, кухні. Асноўны аб’ём накрыты высокім чатырохсхільным чарапічным дахам. Фасады дома мелі чатырох’яруснае вырашэнне. Ніжні ярус (першы паверх) масіўны, зь невялікімі гладкімі прастакутнымі ваконнымі праёмамі, верхні (другі паверх) — больш высокі, ажурны, прарэзаны рытмічным радам шырокіх акон зь ліштвамі. Рызаліт на галоўным фасадзе быў завершаны невялікім атыкам, галоўны ўваход быў аформлены стылізаваным порцікам.

Літаратура[рэдагаваць | рэдагаваць крыніцу]

  • Гродзенскі дом Агінскага // Архітэктура Беларусі: Энцыклапедычны даведнік. — Менск: Беларус. энцыкл., 1993. — 620 с.: іл. ISBN 5-85700-078-5. — С. 171.
  • Гродзенскі дом Агінскага // Энцыклапедыя літаратуры і мастацтва Беларусі. У 5 т. / Рэд. І. П. Шамякін (гал. рэд.) і інш.. — Менск: БелСЭ, 1985. — Т. 2: Габой — Карціна. — 702 с. — 9500 ас. — С. 188.
  • Гродзенскі дом Агінскага // Беларуская энцыклапедыя: У 18 т. Т. 5: Гальцы — Дагон / Рэдкал.: Г.П. Пашкоў і інш. — Менск: БелЭн, 1997. — 576 с.: іл. ISBN 985-11-0090-0. — С. 431.
  • Гродненский дом Огиньского // Чантурия В. А. История архитектуры Белоруссии : в 2 т. / Чантурия В. А. — Минск, 1985. — Т. 1. — С. 264.

Вонкавыя спасылкі[рэдагаваць | рэдагаваць крыніцу]