Павал Касмовіч

Павал Касмовіч (1898 в. Зарэчча, Наваградзкі павет — ?) — беларускі грамадзка-палітычны дзяяч. Паводле адукацыі — каморнік.

У 1918 скончыў Пскоўскую каморніцкую школу. Прымаў удзел у дзейнасьці Пскоўскага беларускага камітэту. Пасьля вярнуўся на Беларусь. Працаваў у Наваградзкім зямельным камітэце, жыў у Гарадзеі. У 1920 — інструктар Часовага беларускага нацыянальнага камітэту у Менску.

1 сакавіка 1924 падпісаўся пад камунікатам Беларускай партыі сацыял-рэвалюцыянэраў аб спыненьні існаваньня партыі і далучэньні да Камінтэрну і Камуністычнай партыі.