Ніна Стужынская

Ніна Стужынская
Дата нараджэньня	12 сьнежня 1955(1955-12-12) (70 гадоў)
Месца нараджэньня	Глінная Слабада, Зашчоб’еўскі сельсавет, Рэчыцкі раён, Гомельская вобласьць, БССР, СССР
Месца вучобы	БДУ
Занятак	гісторык
Месца працы	Інстытут гісторыі НАН Беларусі
Навуковая ступень	кандыдат гістарычных навук
Узнагароды	Прэмія імя Францішка Багушэвіча (ПЭН-цэнтар)

Ніна Іванаўна Стужынская (нар. 12 сьнежня 1955) — беларуская гістарыца, ляўрэатка прэміі імя Францішка Багушэвіча Беларускага ПЭН-цэнтру (2001). Кандыдатка гістарычных навук, дацэнтка.

Скончыла Беларускі дзяржаўны ўнівэрсытэт. Узначальвае РГА «Беларуская жаночая ліга».

Працавала старэйшай навуковай супрацоўніцай Інстытуту гісторыі Нацыянальнай акадэміі навук Беларусі, аднак у 2003 была звольненая за ўдзел ў выбарчай кампаніі. Пасьля гэтага ўвайшла ў арганізацыйны камітэт Асацыяцыі незалежых гісторыкаў.

Займаецца дасьледаваньнем гісторыі палітычных рэпрэсіяў у Беларусі. Аўтарка кнігі «Беларусь мяцежная: з гісторыі ўзброенага антысавецкага супраціву: 20-я гг. ХХ ст.» (недаступная спасылка). Першы тыраж гэтай кнігі хутка быў раскуплены, і неўзабаве быў надрукаваны другі.

Публікацыі

• Ніна Стужынская. Паўстанцкі рух на Случчыне: працяг супраціву ў 1921 г. // Гадавік Цэнтра Беларускіх Студыяў : часопіс. — 2021. — Т. 7. — С. 108—116. — ISSN 2450—8144.
• Беларусь мяцежная: з гісторыі ўзброенага антысавецкага супраціву: 20-я гг. ХХ ст., Наша будучыня, Вільня, 2011.
• Атаман Грач : в тени "Зеленого дуба" / Нина Стужинская // Деды : дайджест публикаций о белорусской истории. — 2009. ― Вып. 2. ― С. 116―135.
• Возмущение на почве разрушения / Нина Стужинская // Деды : дайджест публикаций о белорусской истории. — Минск, 2009―. — 2011. ― Вып. 6. ― С. 259―277.
• Советская историография Великой Октябрьской социалистической революции в Белоруссии: автореферат диссертации на соискание ученой степени кандидата исторических наук: специальность 07.00.09 Историография и источниковедение / Стужинская Нина Ивановна. - Киев, 1985. - 16 с.