Нёўда
| Нёўда | |
 | |
| Агульныя зьвесткі | |
|---|---|
| Выток | каля в. Нёўды |
| Вусьце | Сэрвач |
| Краіны басэйну | Беларусь |
| Вобласьці | Наваградзкі раён і Карэліцкі раён |
| Даўжыня | 39 км |
| Сярэднегадавы сьцёк | 1,7 м³/с |
| Плошча басэйну | 240 км² |
| Нахіл воднай паверхні | 3,4 ‰ |
Нёўда, Няво́да, Палу́жанка — рака ў Беларусі, левы прыток ракі Сэрвачы (басэйн Нёману). Цячэ ў Наваградзкім і Карэліцкім раёнах Гарадзенскай вобласьці. Даўжыня 39 км. Плошча вадазбору 240 км². Выдатак вады ў вусьці каля 1,7 м³/с. Сярэдні нахіл воднай паверхні 3,4 ‰.
Асноўныя прытокі — Зямчатка і Крамаўка. На рацэ стаіць гістарычнае мястэчка Валеўка.
Агульныя зьвесткі
[рэдагаваць | рэдагаваць крыніцу]Пачынаецца каля вёскі Нёўды Наваградзкага раёну, цячэ ў межах Наваградзкага ўзвышша ўзгорыстай мясцовасьцю, перасечанай глыбокімі лагчынамі і ярамі; упадае ў Сэрвач на поўначы ад вёскі Беразаўцу.
Даліна пераважна трапэцападобная (шырыня 2—3 км) з стромкімі схіламі вышынёй да 30 м. Абалона роўная, месцамі забалочаная, пад хмызьняком (шырыня 100—150 м). Рэчышча моцназьвілістае, ад вёскі Аколіцы да вусьця каналізаванае; яго шырыня 4—6 м. Прымае сьцёк з мэліярацыйных каналаў[1].
Крыніцы
[рэдагаваць | рэдагаваць крыніцу]- ^ Блакітная кніга Беларусі. Энцыкл. — Мн.: 1994. С. 270—271.
Літаратура
[рэдагаваць | рэдагаваць крыніцу]- Блакітная кніга Беларусі: энцыкл / Рэдкал.: Н. А. Дзісько, М. М. Курловіч, Я. В. Малашэвіч і інш.; Маст. В. Г. Загародні. — Мн.: БелЭн, 1994. — 415 с. — ISBN 5-85700-133-1