Міхаіл Чыяўрэлі

Міхаіл Чыяўрэлі
Дата нараджэньня	25 студзеня (6 лютага) 1894
Месца нараджэньня	Тыфліс, Расейская імпэрыя
Дата сьмерці	31 кастрычніка 1974(1974-10-31) (80 гадоў)
Месца сьмерці	Тбілісі, Грузінская Савецкая Сацыялістычная Рэспубліка, СССР
Месца пахаваньня	Дыдубійскі пантэон[d] Мтацмінда[d]
Месца вучобы	Тбіліская акадэмія мастацтваў[d] (1912)
Занятак	кінарэжысэр, сцэнарыст, актор, палітык, тэатральны рэжысэр, маляр, мастак-мультыплікатар, сцэнограф, пэдагог, скульптар
Месца працы	Усерасейскі дзяржаўны ўнівэрсытэт кінэматаграфіі імя Сяргея Герасімава[d]
Узнагароды	Народны артыст Грузінскай ССР[d] (1943) заслужаны дзяяч мастацтваў Грузінскай ССР[d] (1941)
IMDb	ID nm0157102

Міхаіл Эдышэравіч Чыяўрэлі (па-грузінску: მიხეილ ჭიაურელი; 6 лютага [ст. ст. 25 студзеня] 1894, Тыфліс, Расейская імпэрыя — 31 кастрычніка 1974, Тбілісі) — грузінскі кінаактор, рэжысэр тэатру, кіно, мультыплікацыі, мастак-мультыплікатар, сцэнарыст, скульптар, пэдагог; народны артыст СССР (1948). Ляўрэат пяці Сталінскіх прэмій (1941, 1943, 1946, 1947, 1950).

Жыцьцяпіс

У 1921 годзе ўдзельнічаў у арганізацыі Тэатру рэвалюцыйнай сатыры пры Грузінскім аддзяленьні РОСТ. З 1922 па 1924 гады жыў у Нямеччыне, дзе займаўся ў скульптурных майстэрнях, пасьля чаго з 1924 па 1926 гады працаваў як скульптар у Тыфлісе (аўтар першай скульптуры У. Леніна ў Грузіі).

З 1926 па 1928 гады — актор і рэжысэр «Рабочага тэатру», «Чырвонага тэатру» пры Пралеткульце. З 1926 па 1941 гады — рэжысэр і мастацкі кіраўнік арганізаванага ім у 1934 годзе сумесна з Давідам Дзнэладзэ Грузінскага тэатру музычнай камэдыі імя В. Абашыдзэ на базе перасоўнага музычна-драматычнага тэатру «Кааптэатар», які існаваў з 1926 году.

З 1928 году — рэжысэр трэсту АТ «Дзяржкінапрам Грузіі» (з 1938 — Тбіліская кінастудыя, цяпер — «Грузія-фільм»), з 1940 году — мастацкі кіраўнік гэтай студыі. У 1946—1955 гадах — рэжысэр кінастудыі «Масфільм», у 1955—1957 гадах — Сьвярдлоўскай кінастудыі. Выкладаў у кінаакторскай школе пры Тбіліскай кінастудыі, у 1950—1960 гадах — пэдагог УДІКа (Масква) (з 1951 — прафэсар).

Чалец УКП(б) з 1940 году. Дэпутат Вярхоўнага Савету СССР 1-3 скліканьняў (1937—1954). Памёр 31 кастрычніка 1974 году на 81-м годзе жыцьця ў Тбілісі. Пахаваны ў Пантэоне дзеячаў грузінскай культуры на гары Мтацміндзе.

Літаратура

• Беларуская энцыклапедыя: У 18 т. / Рэдкал.: Г. П. Пашкоў і інш. — Мн.: БелЭн, 2003. — Т. 17: Хвінявічы — Шчытні. — 512 с. — ISBN 985-11-0279-2