Міхаіл Пташук

Зьвесткі зь Вікіпэдыі — вольнай энцыкляпэдыі
Міхаіл Пташук
Могила кинорежиссёра Михаила Пташука.jpg
Дата нараджэньня 28 студзеня 1943(1943-01-28)
Месца нараджэньня
Дата сьмерці 26 красавіка 2002(2002-04-26) (59 гадоў)
Месца сьмерці
Прычына сьмерці дарожна-транспартнае здарэньне
Месца пахаваньня
Месца вучобы
Занятак кінарэжысэр
Месца працы
Узнагароды
народны артыст Беларускай ССР Заслужаны дзяяч мастацтваў Беларускай ССР прэмія Ленінскага камсамолу Дзяржаўная прэмія БССР
IMDb ID nm0699675

Міхаіл Пташук (28 студзеня 1943, в. Федзюкі, Ляхавіцкі раён — 26 красавіка 2002, Масква) — беларускі кінарэжысэр, актор, прадусар.

Скончыў рэжысэрскі факультэт Тэатральнай вучэльні імя Барыса Шчукіна (1967), Вышэйшыя рэжысэрскія курсы Дзяржкіно СССР (1972; майстэрня Георгія Данэліі). Працаваў рэжысэрам у тэатрах Масквы і Казані. З 1974 на кінастудыі «Беларусьфільм». Чалец КПСС (з 1978). Загінуў у аўтакатастрофе.

Атрымалі шырокую вядомасьць яго экранізацыі вядомых літаратурных твораў беларускіх пісьменьнікаў — «Вазьму твой боль» (паводле Івана Шамякіна, 1982), «Чорны замак Альшанскі» (2 сэрыі, паводле Ўладзімера Караткевіча, 1983), «Знак бяды» (паводле Васіля Быкава, 1986). Сярод фільмаў канца 1980—1990-х — гістарычна-палітычныя стужкі «Наш браняпоезд» (1988), "Кааператыў «Палітбюро» (1992), «У жніўні 44-га...» (2000). Паставіў тэлевізійны фільм «Нас выбраў час» (1978), фільм-спэктакль Менскага тэатра «Вольная сцэна» «Макбет» (1997).

Работы М. Пташука неаднаразова атрымлівалі высокія ўзнагароды на прэстыжных кінафэстывалях. Для яго творчай манеры ўласьцівы абвостраная ўвага да складаных гістарычна-філязофскіх праблем, псыхалягічная заглыбленасьць, упэўненасьць рэжысэрскага почырку і да т. п.

Заслужаны дзеяч мастацтваў БССР (1982). Народны артыст БССР (1990). Дзяржаўная прэмія БССР (1982) за экранізацыю раману І. Шамякіна «Вазьму твой боль»; прэмія Ленінскага камсамолу (1980) за кінафільм паводле твору У. Халіпа і А. Петрашкевіча «Время выбрало нас».

Загінуў у аўтамабільнай катастрофе ў Маскве — па дарозе на атрыманьне кінапрэміі Ніка.

Фільмаграфія[рэдагаваць | рэдагаваць крыніцу]

  • 1973 — «Пра Віцю, пра Машу і марскую пяхоту» (сцэнар — А. Усаў, апэратар — Ю. Кліменка);
  • 1975 — «Лясныя арэлі» (сцэнар — І. Пяткевіч, апэратар — Ю. Марухін);
  • 1978 — «Час выбраў нас» (сцэнар — А. Петрашкевіч, У. Халіп, апэратары — Ю. Марухін (1—2 сэрыі), В. Нікалаеў);
  • 1980 — «Вазьму твой боль» (сцэнар — І. Шамякін, апэратар — В. Нікалаеў);
  • 1984 — «Чорны замак Альшанскі»;
  • 1986 — «Знак бяды»;
  • 1988 — «Наш браняпоезд» (сцэнар — Я. Грыгор’еў, апэратар — Ю. Ялхоў);
  • 1992 — "Кааператыў «Палітбюро»" (сцэнар — Я. Грыгор’еў, апэратар — С. Мачыльскі);
  • 1995 — «Гульня ўяўлення» (сцэнар — Э. Брагінскі, апэратар — В. Спарышкоў);
  • 1995 — «Макбет» (сцэнар — А. Дудараў, апэратар — В. Спарышкоў);
  • 2000 — «У жніўні 44-га…» (сцэнар — У. Багамолаў, апэратар — В. Спарышкоў);
  • 2001 — «Песня Розы» (сцэнар — В. Сакалоўскі, апэратар — Д. Гучыарда).

Вонкавыя спасылкі[рэдагаваць | рэдагаваць крыніцу]