Міхаіл Арцем’еў

Міхаіл Арцем’еў
	Міхаіл Арцем’еў
	Міхаіл Валянцінавіч Арцем’еў
Дата нараджэньня	1963
Месца нараджэньня	Менск
Месца вучобы	Беларускі дзяржаўны ўнівэрсытэт (1985)
Занятак	хімік
Навуковая сфэра	хімія
Месца працы	Навукова-дасьледніцкі інстытут фізыка-хімічных праблемаў БДУ
Узнагароды	Ганаровая грамата Нацыянальнай акадэміі навук Беларусі (2010)

Міхаіл Валянцінавіч Арцем’еў (нарадзіўся ў Менску ў 1963 годзе) — найбольш цытаваны ў навуковых часопісах 2006—2010 гадоў (1307 спасылак) беларускі навуковец, доктар хімічных навук, адмысловец у галіне нанахіміі. У 1985 годзе скончыў хімічны факультэт Беларускага дзяржаўнага ўнівэрсытэту (БДУ). З 2010-га зьяўляецца загаднікам лябараторыі нанахіміі Навукова-дасьледніцкага інстытуту фізыка-хімічных праблемаў (НДІ ФХП) БДУ. У 2010 годзе атрымаў Ганаровую грамату Нацыянальнай акадэміі навук Беларусі^[1].

Ажыцьцявіў навуковыя дасьледаваньні ў галіне сынтэзу і вывучэньня будовы, структурна-хімічных ператварэньняў і ўласьцівасьцяў ультрадыспэрсных мэталаў, квантавапамерных паўправаднікоў, нанапамерных аксыдаў, а таксама мікра- і нанагэтэрагенных кампазытных сыстэмаў на іх аснове, квантавахімічных разьлікаў клястараў мэталаў і паўправаднікоў. Распрацаваў шэраг прыёмаў атрыманьня высокадыспэрсных і нанаструктураваных сыстэмаў для мікра-, нанаэлектронікі і оптыкі. Займаецца стварэньнем нанаматэрыялаў з асаблівымі ўласьцівасьцямі, такіх як люмінэставальныя пакрыцьці, люмінэсцэнтныя пазнакі для флюарэсцэнтнага імунааналізу, складнікі для радыёпаглынальных матэрыялаў, лязэрныя затворы, нарыхтоўкі для аптычных валокнаў.

Крыніцы

^ Дзень беларускай навукі. Газэта «Універсітэт» (12 лютага 2010). Праверана 27 верасьня 2011 г.