Мядзьведзевыя

Зьвесткі зь Вікіпэдыі — вольнай энцыкляпэдыі
Перайсьці да навігацыі Перайсьці да пошуку
Мядзьведзевыя
Ursus arctos syriacus.jpg
Сырыйскі буры мядзьведзь
Клясыфікацыя
Надцарства Эўкарыёты (Eukaryota)
Царства Жывёлы (Animalia)
Тып Хордавыя (Chordata)
Кляса Сысуны (Mammalia)
Інфракляса Пляцэнтарныя (Placentalia)
Надатрад Ляўразыятэрыі (Laurasiatheria)
Атрад Драпежныя (Carnivora)
Падатрад Сабакападобныя (Caniformia)
Сямейства Мядзьведзевыя
Бінамінальная намэнклятура
Ursidae
Fischer de Waldheim, 1817
Арэал
Map of Bear species distribution.png

Мядзьведзі, таксама Мядзьведзевыя[1] (Ursidae) — сямейства сысуноў атраду драпежных. Адрозьніваюцца ад іншых прадстаўнікоў сабакападобных больш каржакаватым целаскладам. Мядзьведзі ўсяедныя, добра караскаюцца і плаваюць, хутка бегаюць, могуць стаяць і праходзіць кароткія адлегласьці на задніх лапах. Маюць кароткі хвост, доўгую і густую поўсьць, а таксама выдатныя нюх і слых. Палююць вечарам або на досьвітку. Звычайна баяцца чалавека, але могуць быць небясьпечнымі ў тых месцах, дзе яны прывыклі да людзей, асабліва белы мядзьведзь і мядзьведзь грызьлі. Неўспрымальныя да пчалінага джаленьня. У прыродзе натуральных ворагаў амаль ня маюць.

Склад сямейства, апісаньне відаў[рэдагаваць | рэдагаваць крыніцу]

Выява Назва Парамэтры Асяроддзе пражываньня Паводзіны
Grosser Panda.JPG Бамбукавы мядзьведзь

Ailuropoda melanoleuca
Даўжыня 1.5–1.8 м, вышыня ў плячах 65–70 см, маса 80–125 кг Горныя лясы і мяшаныя лясы з бамбукавымі насаджэньнямі — правінцыі Сычуань, Ганьсу і Шаньсі ў цэнтры Кітая. Спэцыялізаваны на дыеце зь бамбука. Паколькі бамбук з'яўляецца дрэннай крыніцай харчаваньня, ён павінен спажываць вялікую колькасць бамбука, да 12,5 кг у дзень. Адзіночны, начны і змрочны від. Не ўпадае ў сьпячку. У першую чаргу наземны, хоць добра лазіць па дрэвах і здольны плаваць.
Sun Bear 3.jpg Малайскі мядзьведзь

Helarctos malayanus
Даўжыня 1.2–1.5 м, вышыня ў плячах 70 см, маса 27–65 кг Сэзонныя вечназялёныя і лісьцеападныя лясы на мацерыку і асэзонныя вечназялёныя дажджавыя лясы Малайзіі, Суматры, Барнэа — Брунэй, Камбоджа, Інданэзія, Лаос, Малайзія, Тайлянд, Віетнам, пн. М’янма, пд. Банглядэш, пн.-сх. Індыя Адзіночны, начны, залежны ад лесу від. Цудоўна лазіць па дрэвах, дзе спіць і прымае сонечныя ванны. Не ўпадае ў сьпячку. Усяедны. Пчолы, тэрміты і дажджавыя чарвякі складаюць асноўную частку рацыёну; спажывае садавіну пры наяўнасьці. Рацыён побач зь людзьмі можа ўключаць сьмецьце, сельскагаспадарчыя жывёлы і садавіны, такія як бананы.
Sloth Bear Washington DC.JPG Лянівы мядзьведзь

Melursus ursinus
Даўжыня 1.5–1.9 м, вышыня ў плячах 60–90 см, маса 55–140 кг Вільготныя і сухія трапічныя лясы, саваны, хмызьнякі і травяністыя мясцовасьці; галоўным чынам нізінны від, хоць можа сустракацца да 2000 м — Індыя, Нэпал, Шры-Ланка Адзіночны, пераважна начны від. Сілкуецца ў асноўным тэрмітамі, мурашкамі і пладамі. Плады могуць складаць 70–90 % рацыёну ў сэзон пладанашэньня, тэрміты і іншыя вусякі могуць складаць > 80 % рацыёну ў іншую пару году. Не ўпадае ў сьпячку. Нюх добра разьвіты, але зрок і слых дрэнна.
Spectacled Bear - Houston Zoo.jpg Андзкі мядзьведзь

Tremarctos ornatus
Даўжыня 1.3–2.0 м, вышыня ў плячах 70–80 см, маса 60–200 кг Трапічныя сухія лясы, вільготныя трапічныя нізінныя і горныя лясы, трапічныя сухія і вільготныя хмызьнякі, трапічныя і высакагорныя травяністыя хмызьнякі і лугі; 200–4750 м — Анды ў Эквадоры, Калумбіі, Вэнэсуэле, Перу, Балівіі; магчыма, пн.-зх. Аргентыне Звычайна, адзіночны, за выключэньнем самкі зь дзецьмі, але можа збірацца разам там, дзе ежы багата. Праводзіць шмат часу на дрэвах. Няма доказаў сьпячкі. Усяедны. Bromeliaceae і Arecaceae найбольш частая ежа ў рацыёне, садавіны таксама важныя, толькі каля 4 % рацыёну жывёльнага паходжаньня. Самая характэрная асаблівасць заключаецца ў тым, што від будуе драўляныя пляцоўкі для адпачынку, харчаваньня пладамі і тушамі, а таксама для аховы зоны кармленьня. Дзейнасьць у асноўным дзённая, але мяняецца сэзонна і паміж геаграфічнымі раёнамі.
Black bear large.jpg Мядзьведзь барыбал

Ursus americanus
Даўжыня 1.2–2.0 м, вышыня ў плячах до 90 см, маса 39–409 кг Перш за ўсё, від умераных і барэальных лясоў, але таксама ахоплівае субтрапічныя рэгіёны Фларыды і Мэксыкі, і субарктычныя рэгіёны; ад узроўня мора да 3500 м — Канада, ЗША, пн. Мэксыка Усяедны. У залежнасці ад месца і часу года ён спажывае травяністую расьліннасць, карані, бутоны, мясістыя плады, арэхі, вусякоў, жывёл ад рыб да сысуноў, як здабытых, так і падлу. Акрамя таго, ён ахвотна спажывае прадукты, зьвязаныя з людзьмі — сьмецьце, ўраджаі з палёў і садоў, мёд на пасеках, часам хатнюю жывёлу. Зімовая сьпячка да 7 месяцаў у паўночных раёнах арэалу; у некаторых паўднёвых і нізкіх раёнах, дзе ежа даступная круглы год, некаторыя асобіны могуць заставацца актыўнымі ўсю зіму. Звычайна, змрочны, але можа стаць дзённым або начным. Звычайна, адзіночны, за выключэньнем самкі зь дзецьмі.
Brown bear.jpg Мядзьведзь буры

Ursus arctos
Даўжыня 1.0–2.8 м, вышыня ў плячах 90–150 см, маса 80–600 кг Вялікая разнастайнасьць месцаў пражываньня ад сухіх азіяцкіх стэпаў да арктычных хмызьнякоў і ўмераных дажджавых лясоў, ад узроўню мора да 5000 м — захад Паўночнай Амэрыкі, на поўдзень да пн. ЗША, пн., сх. і цн. Еўропа, Азія, акрамя поўдня і паўднёвага ўсходу Спажывае вельмі разнастайныя прадукты. У Паўночнай Амэрыкі мядзьведзь буры больш драпежны, дзе ёсьць капытыя (асабліва ў арктычных раёнах) або нерастуе ласось. Ён можа быць актыўным у любы час сутак, але звычайна раніцай і ўвечары. Звычайна, адзіночны, але часам могуць збірацца ў вялікай колькасці на асноўных крыніцах харчаваньня і ўтвараць сямейныя кармавыя групы.
Polar Bear 2004-11-15.jpg Мядзьведзь белы

Ursus maritimus
Даўжыня 1.8–2.5 м, вышыня ў плячах до 160 см, маса 150–800 кг Усе ледзяныя воды ваколпалярнай Арктыкі, лічыцца марскім відам — Канада, Грэнляндыя (Данія), Нарвэгія (уключаючы Свальбард), Расея, Аляска (ЗША) Шчыльнасьць насельніцтва нізкая. Адзіночны дзённы від. Мядзьведзь белы — самы драпежны ў сямействе. Часьцей за ўсё здабычай з'яўляецца Phoca hispida, у меншай ступені — Erignathus barbatus.
Ursus thibetanus 3 (Wroclaw zoo).JPG Мядзьведзь белагруды

Ursus thibetanus
Даўжыня 1.2–1.8 м, вышыня ў плячах 70–80 см, маса 65–150 кг Розныя лясныя арэалы, і шыракалістыя, і хвойныя лясы, рэдка выкарыстоўвае адкрытыя альпійскія лугі, ад узроўню мора да вышыні 4300 м — насяляе поўдзень і ўсход Азіі Перш за ўсё, начны від, у больш лясістых раёнах вобласці, як правіла, дзённы або змрочным. Адзіночны. Выдатна плавае і лазіць па дрэвах. Большасьць ўпадае ў сьпячку, але не ўсе. У сэзонным клімаце ежай з'яўляецца сакавітая расьліннасць, вясной павялічваецца доля вусякоў, летам — пладоў, восенню — арэхаў. У тропіках і субтропіках садавіна з'яўляюцца асновай цэлы год. Напэўна, важны распаўсюднік насеньня некаторых пладовых дрэваў. У некаторых рэгіёнах рацыён ўключае значную частку мяса дзікіх капытных.

Крыніцы[рэдагаваць | рэдагаваць крыніцу]

  1. ^ БЭ ў 18 тамах. Т.11., Мн., 2000, С. 65.

Вонкавыя спасылкі[рэдагаваць | рэдагаваць крыніцу]