Моўчадзкае насаджэньне лістоўніцы эўрапейскай
катэгорыя III (помнік прыроды) паводле МСАП | |
| Разьмяшчэньне | Беларусь, Івацэвіцкі раён |
|---|---|
| Каардынаты | 53°21′31″ пн. ш. 25°43′40″ у. д. / 53.35861° пн. ш. 25.72778° у. д.Каардынаты: 53°21′31″ пн. ш. 25°43′40″ у. д. / 53.35861° пн. ш. 25.72778° у. д. |
| Плошча | 1,6 га |
| Заснаваны | 1963 |
Моўчадзкае насаджэньне лістоўніцы эўрапейскай — батанічны помнік прыроды рэспубліканскага значэньня ў Беларусі, разьмешчаны ў Моўчадзкім лясьніцтве ў Баранавіцкім раёне.
Насаджэньне лістоўніцы эўрапейскай (90%) з дамешкам хвоі Веймутава (10%). Плошча складае 1,6 га. Узрост дрэў каля 110 гадоў, вышыня 40 м, дыямэтр каля 0,5 м. Унікальны па ўзросьце і прадукцыйнасьці ўчастак каштоўных інтрадуцэнтаў. Ахоўны статус нададзены ў 1963 годзе.
Гісторыя[1]
[рэдагаваць | рэдагаваць крыніцу]Знаходзіцца ў лесе, які называецца Паніква. Стары лес, якіх сёньня ў Беларусі засталося ўжо няшмат, у нашы дні выкарыстоўваецца як генэтычны рэзэрват каштоўных беларускіх пародаў дрэваў. На дзялянцы памерам 1,6 га тут растуць лістоўніцы эўрапейскія. Іх напрыканцы ХІХ ст. пасадзілі шляхціцы Незабытоўскія, чый маёнтак быў у суседняй Вялікай Сваротве. Гэта самая вялікая дзялянка лістоўніцы эўрапейскай у Беларусі. У 2010 годзе адмыслоўцы зь Белдзяржлесу ацанілі, што дрэвам ужо больш за 130 гадоў. Некаторыя зь іх сягаюць у вышыню больш за паўсотні мэтраў і маюць дыямэтар камля больш за паўмэтра. Сярод паважных лістоўніц Незабытоўскія пасадзілі тут некалькі хвояў Веймутава, радзіма якіх — Паўночная Амэрыка. Гэтыя дрэвы сёньня таксама дасягнулі карабельнай вышыні, акурат той, якая дазволіла калісьці будаваць зь іх караблі для Брытанскага карабельнага флёту. У 2000-х гадах у некалькіх лясьніцтвах Баранавіцкага раёну дзеля экспэрымэнту пасадзілі яшчэ каля 20 га лістоўніцы эўрапейскай. Але ў Моўчадзкім лясьніцтве маладыя дрэўцы прыжыліся найлепей.
Месцазнаходжаньне
[рэдагаваць | рэдагаваць крыніцу]Па дарозе зь в. Малая Сваротва трэба зьвярнуць направа ў лес, не даяжджаючы 1 км да в. Андрэеўцы. Лясная дарога праз 150–200 м прывядзе на паляну з драўлянай альтанкай. Тут і пачынаецца дзялянка з экзатычным для Беларусі лесам.
Крыніцы
[рэдагаваць | рэдагаваць крыніцу]- ^ Тры таямніцы баранавіцкага лесу, Intex-press 27-09-2014
Літаратура
[рэдагаваць | рэдагаваць крыніцу]- Энцыклапедыя прыроды Беларусі: у 5 т. Т. 3: Катэнарыя ― Недайка / Рэдкал.: І. П. Шамякін (галоўны рэдактар) і інш. — Мн.: БелСЭ, 1984. — 485 с.