Маці Ванханэн

Зьвесткі зь Вікіпэдыі — вольнай энцыкляпэдыі
Перайсьці да навігацыі Перайсьці да пошуку
Маці Ванханэн
Matti Vanhanen 2008.jpg
Прэм’ер-міністар Фінляндыі
24 чэрвеня 2003 — 20 чэрвеня 2010
Папярэднік: Анелі Яатээнмякі
Наступнік: Мары Ківініемі
Асабістыя зьвесткі
Нарадзіўся: 4 лістапада 1955 (64 гады)
Ювяскюля, Фінляндыя
Партыя: Партыя цэнтру
Сужэнец: Мэр’я Ванханэн (1985-2006)
Дзеці: Анастыійна (нар. 1991)
Юхана (нар. 1994)
Бацька: Тату Ванханэн
Адукацыя: Хэльсынскі ўнівэрсытэт
Узнагароды: Вялікі крыж ордэна «За заслугі перад Італьянскай Рэспублікай»
Matti Vanhanen Signature 2.svg

Маці Танэлі Ванханен (па-фінску: Matti Taneli Vanhanen; 4 лістапада 1955, Ювяскюля, Фінляндыя) — фінскі палітык; з 2003 па 2010 год — прэм’ер-міністар Фінляндыі і старшыня партыі Фінляндзкі цэнтар. У 1976 годзе Маці Ванханэн уступіў у партыю Фінляндзкі цэнтар. У 19801983 гады працаваў старшынём моладзевага аддзяленьня партыі. З 1981 па 1984 год быў дэпутатам савета кунта (муніцыпалітэта) Эспоо.

Да прыходу ў парлямэнт у 1991 годзе Ванханэн працаваў у Вантаа ў мясцовай газэце «Кехясанамат» журналістам у 1985-1988 гады і галоўным рэдактарам у 19881991 гадох. У 1991 годзе ён быў абраны ў Эдускунту. З 1991 па 1995 гады Ванханэн зьяўляўся намесьнікам старшыні камісіі парлямэнта па экалёгіі.

У 2003 годзе быў міністрам абароны ва ўрадзе Анэлі Яатээнмякі. У гэтым жа годзе ён узначаліў партыю Фінляндзкі цэнтар і 24 чэрвеня 2003 году стаў прэм’ер-міністрам. Ванханэн узначальваў два ўрады: кабінэт міністраў, які дзейнічаў з 24 чэрвеня 2003 па 19 красавіка 2007 году, другі кабінэт міністраў — з 19 красавіка 2007 па 21 чэрвеня 2010 году. Ачоленыя ім ўрады сталі 69-м і 70-м паводле ліку кабінэтамі міністраў у гісторыі краіны. У 2006 годзе Ванханэн удзельнічаў у першым туры прэзыдэнцкіх выбараў. Набраўшы 18,6% галасоў, заняў трэцяе месца й не прайшоў у другі тур.

12 чэрвеня 2010 годзе на партыйным зьезьдзе абвесьціў аб складаньні зь сябе паўнамоцтваў прэм’ера й лідэра партыі «Фінляндзкі цэнтар», патлумачыўшы гэта рашэньне станам здароўя. На згаданых пасадах з 22 чэрвеня 2010 году яго зьмяніла Мары Ківініемі.

Вонкавыя спасылкі[рэдагаваць | рэдагаваць крыніцу]

Commons-logo.svg Маці Ванханэнсховішча мультымэдыйных матэрыялаў