Мантафон

Зьвесткі зь Вікіпэдыі — вольнай энцыкляпэдыі
Перайсьці да навігацыі Перайсьці да пошуку

Мантафон (па-нямецку: Montafon, на мясцовым дыялекце па-нямецку: Muntafu) — даліна ў Аўстрыі, у фэдэральнай зямлі Форарльбэрг, аточаная гарамі Вэрвальгрупэ і Сільўрэта, каля граніцы са Швайцарыяй. Ад разьмешчанай на ўсходзе даліны Пазнаўн аддзеленая перавалам Bielerhöhe (2037 m). Цягнецца на 39 км, долу даліны цячэ рака Іль, правы прыток Райну. У пачатку даліны знаходзіцца ледавік Сільўрэта.

Тут знаходзіцца мноства курортаў для горных і клясычных лыжаў. Асноўнымі цэнтрамі зьяўляюцца: Блудэнц, Шрунс і Чагунс. Бліжэйшыя аэрапорты знаходзяцца ў Цюрыху (170 км) і Мюнхэне (230 км).

У гэтай даліне неаднаразова праводзіліся спаборніцтвы Кубку сьвету па фрыстайле і лыжных сноўбордах. У 2015 годзе Даліна была суарганізатарам XII Зімовага алімпійскага фэстывалю моладзі Эўропы.

Вонкавыя спасылкі[рэдагаваць | рэдагаваць крыніцу]