Мансон

Мансон
гішп. Monzón
Герб Мансону Сьцяг Мансону
Краіна:	Гішпанія
Аўтаномная супольнасьць:	Арагон
Правінцыя:	Уэска
Кіраўнік:	Rosa Maria Lanau Morancho[d]
Плошча:	155,01 км²
Вышыня:	273 м н. у. м.
Насельніцтва
колькасьць:	17 115 чал.
шчыльнасьць:	110,41 чал./км²
Часавы пас:	UTC+1
летні час:	UTC+2
Тэлефонны код:	+35 974
Паштовы індэкс:	22400
Нумарны знак:	HU
Геаграфічныя каардынаты:	41°54′0″ пн. ш. 0°11′0″ у. д.
Мансон на мапе Гішпаніі Мансон
Галерэя здымкаў у Вікісховішчы
http://www.monzon.es/

Мансо́н (па-гішпанску: Monzón) — горад у паўночна-ўсходняй Гішпаніі. Уваходзіць у склад аўтаномнай супольнасьці Арагону. Мансон займае плошчу 155,01 км², колькасьць насельніцтва складае каля 17 000 чалавек.

Гісторыя

Мансон характэрны тым, што зьвязаны зь дзейнасьцю тампліераў, а таксама зьяўляўся парлямэнцкім цэнтрам у каралеўстве Арагоне, паміж XII і XVII стагодзьдзямі. Справа ў тым, што розныя часткі каралеўства мелі свае законы й парлямэнты, але часьцяком зьбіраліся сумесныя пасяджэньні гэтак званым «агульным парлямэнтам», Мансон, як раз, быў важным перавалачным пунктам паміж Сарагосай і Барсэлёнай, таму было звычайным месцам для такіх сустрэчаў.

У мясоцвым замку ў 1109 годзе Урака Кастыльская выйшла замуж за свайго другога мужа Альфонса I, нягледзячы на пярэчаньні царквы. Хаймэ I Заваёўнік правёў частку свайго юнацтва ў Мансоне, пасьля таго, як ягоны бацька Пэдра II Каталік, памёр у бітве пры Мюрэ ў 1213 годзе, то бок Хаймэ знаходзіўся пад апекай тампліераў у Мансоне.

Кардынал Рышэльё і Гаспар дэ Гусман Аліварэс падпісалі тут у 1626 годзе дамову, якая сканчвала канфлікт вакол Вальтэліны.

Гарады-сябры

• Барсэлёна, Гішпанія
• Мюрэ, Францыя

Асобы

• Хаакін Коста (1846—1911), палітык
• Канчыта Мартынэс (1972), тэнісыстка

Вонкавыя спасылкі

Мансон — сховішча мультымэдыйных матэрыялаў

• Афіцыйны сайт