Прагляд крыніцы для Макс Вэбэр

{{Навуковец}}
'''Макс Вэ́бэр''' ({{мова-de|Max Weber}}; 21 красавіка 1864, [[Эрфурт]], [[Саксонія]], [[Прусія (каралеўства)|Прусія]] — 14 чэрвеня 1920, [[Мюнхэн]], [[Ваймарская рэспубліка]]) — нямецкі [[Сацыялёгія|сацыёляг]], [[Эканоміка|эканаміст]], [[Права|юрыст]]. Старэйшы брат вядомага сацыёляга [[Альфрэд Вэбэр|Альфрэда Вэбэра]].

Ягоныя ідэі глыбока паўплывалі на наступныя сацыяльныя тэорыі і дасьледаваньні. Вэбэр часьцяком цытуецца разам [[Эміль Дзюркайм|Эмілем Дзюркаймам]] і [[Карл Маркс|Карлам Марксам]], бо ўсе трое зьяўляюцца, па сутнасьці, заснавальнікамі сацыялёгіі<ref>[http://plato.stanford.edu/entries/weber/ ''«Max Weber»'']. Encyclopaedia of Philosophy. Stanford.</ref><ref>Max Weber; Hans Heinrich Gerth; Bryan S. Turner (7 March 1991). [https://books.google.com/books?id=Y_pqZS5q72UC&pg=PR1 ''«From Max Weber: essays in sociology»'']. Psychology Press. — С. 1. — {{ISBN|978-0-415-06056-1}}.</ref><ref>Radkau, Joachim and Patrick Camiller (2009). ''«Max Weber: A Biography»''. Trans. Patrick Camiller. Polity Press. {{ISBN|978-0-74564147-8}}.</ref><ref>Giddens, Anthony (1971). ''«Capitalism and Modern Social Theory: an Analysis of the Writings of Marx, Durkheim and Max Weber»''. Cambridge University Press. {{ISBN|0-52109785-1}}.</ref>. Вэбэр зьяўляўся адным з галоўных прыхільнікаў мэтадалёгіі [[антыпазытывізм]]у, прытрымліваючыся пазыцыі вывучэньня [[сацыяльнае дзеяньне|сацыяльнага дзеяньня]] праз [[разумелая сацыялёгія|разумелую сацыялёгію]], а не праз чыстую [[эмпірыка|эмпірыку]]. У аснове такой мэтадалёгіі ляжыць разуменьне мэты і сэнсу, якія людзі надаюць сваім уласным дзеяньням. У адрозьненьне ад Дзюркайма, ён ня верыў у адзіную прычыну і хутчэй выказаў здагадку, што для любога выніку можа быць некалькі прычынаў<ref>Tiryakian, Edward A. (2009). ''«For Durkheim: Essays in Historical and Cultural Sociology»''. Routledge. — С. 321. — {{ISBN|0-75467155-0}}.</ref>.

Асноўнай інтэлектуальнай праблемай Вэбэра зьяўлялася разуменьне працэсаў рацыяналізацыі, [[сэкулярызацыя|сэкулярызацыі]] і «вызваленьне ад чараў сьвету», якія ён зьвязваў з ростам [[капіталізм]]у і ўсталяваньнем [[эпоха мадэрну|эпохі мадэрну]]<ref>Habermas, Jürgen, ''«The Philosophical Discourse of Modernity»'', Polity Press (1990). — С. 2. — {{ISBN|0-7456-0830-2}}.</ref>. Ён бачыў гэтыя працэсы вынікам новага спосабу мысьленьня аб сьвеце<ref> Macionis, John J. (2012). ''«Sociology»'' (14th ed.). Boston: Pearson. — С. 88. — {{ISBN|978-0-205-11671-3}}.</ref>. Вэбэр вядомы дзякуючы тэзу аб тым, што эканамічная сацыялёгія і сацыялёгія рэлігіі спалучаюцца. Такое меркаваньне было распрацавана сацыёлягам у кнізе «Пратэстанцкая этыка і дух капіталізму» ({{мова-de|Die protestantische Ethik und der Geist des Kapitalismus|скарочана}}), у якой Вэбэр канстатаваў, што аскетычны [[Пратэстанцтва|пратэстантызм]] непасрэдна зьвязаны з ростам рынкавага капіталізму і рацыянальна-прававой нацыянальнай дзяржавы ў краінах Захаду. Ён сьцьвярджаў, што ў аснове росту капіталізму ляжаць менавіта дагматы пратэстантызму. Такім чынам, можна сказаць, што духу капіталізму ўласьцівы пратэстанцкія рэлігійныя каштоўнасьці.

== Біяграфія ==
Максімілян Карл Эміль Вэбэр нарадзіўся 21 красавіка 1864 году ў прускім [[Эрфурт|Эрфурце]], але ягоная сям’я пераехала ў [[Бэрлін]] у 1869 годзе{{Зноска|Kaesler1988|1988|Kaesler|2—3}}{{Зноска|Radkau|2009|Radkau|5}}. Бацька Макса Вэбэра, таксама як і ягоны сын, быў доктарам права і вядомым палітыкам, займаючы пэўны час па
сады парлямэнтара ў [[Прускі ляндтаг|Прускім ляндтагу]] і агульнанямецкім [[Райхстаг (Нямецкая імпэрыя)|Райхстагу]]{{Зноска|Radkau|2009|Radkau|5}}<ref name="Kaelber">Kaelber, Lutz (05.2003). «Max Weber’s Dissertation». History of the Human Sciences. 16 (2): 27—56. — [[doi:10.1177/0952695103016002002]].</ref>{{Зноска|Honigsheim|2017|Honigsheim|100}}. Макс быў найстарэйшым зь дзевяці дзяцей у сям’і<ref name="Kaelber"/>{{Зноска|Radkau|2009|Radkau|11}}. Дзяцінства і маладосьць Макс правёў у Бэрліне. Зь цягам часу на Вэбэра малодшага паўплывалі шлюбныя і асабістыя супярэчнасьці паміж ягоным бацькам, які атрымліваў асалоду ад зямных задавальненьняў, не зьвяртаючы ўвагі на рэлігійныя і філянтрапічныя справы, і ягонай маці, адданай кальвіністкай, якая імкнулася весьці аскетычны лад жыцьця і прытрымлівалася маральных абсалютысцкіх ідэяў<ref name="Kaelber"/>{{Зноска|Honigsheim|2017|Honigsheim|100}}{{Зноска|Ritzer|2009|Ritzer|32}}.

[[Файл:Max Weber and brothers 1879.jpg|значак|зьлева|Макс Вэбэр (скрайні зьлева) з сваімі братамі.]]
У 1870 годзе хлопчык пачаў навучаньне ў прыватнай школе Дэбэліна ў [[Шарлётэнбург (раён Бэрліну)|Шарлётэнбургу]]{{Зноска|Kaesler1988|1988|Kaesler|2}}{{Зноска|Radkau|2009|Radkau|561}}. На занятках Вэбэр, сумуючы ад выкладаньняў сваіх настаўнікаў, таемна прачытаў усе сорак тамоў твораў пісьменьніка [[Ёган Вольфганг фон Гётэ|Ёгана Вольфганга фон Гётэ]]{{Зноска|Kaesler1988|1988|Kaesler|2}}<ref name="McKinnon">McKinnon, Andrew M. (03.2010). [https://web.archive.org/web/20230331224317/https://aura-test.abdn.ac.uk/handle/2164/3035 «Elective Affinities of the Protestant Ethic: Weber and the Chemistry of Capitalism»]. Sociological Theory. 28 (1): 108—126. — [[doi:10.1111/j.1467-9558.2009.01367.x]].</ref>. Пазьней Гётэ зрабіў важны ўплыў на ягоныя думкі і мэтадалёгію<ref name="McKinnon"/>. Перад паступленьнем ва ўнівэрсітэт ён прачытаў шмат іншых клясычных твораў, у тым ліку філёзафа [[Імануіл Кант|Імануіла Канта]]{{Зноска|Kaesler1988|1988|Kaesler|2—3}}. На Каляды 1877 году трынаццацігадовы Макс падарыў сваім бацькам два гістарычныя эсэ пад назвай ''«Пра хаду гісторыі Нямеччыны з асаблівай спасылкай на пазыцыі імпэратара і папы рымскага»'' і ''«Пра пэрыяд Рымскай імпэрыі ад Канстантына да перасяленьня народаў»''. Праз два гады, таксама на Каляды, ён напісаў яшчэ адно гістарычнае эсэ ''«Назіраньні аб этнічным характары, разьвіцьці і гісторыі індаэўрапейскіх народаў»''.

У 1882—1884 гадах, ён вывучаў права, філязофію і эканоміку ў [[Гайдэльбэрскі ўнівэрсытэт|Гайдэльбэрскім унівэрсытэце]]. У 1883—1884 гадах Макс быў вымушаны спыніць вучобу і пайсьці ў войска. У гэты час ён быў у [[Страсбург]]у, дзе наведваў заняткі свайго дзядзькі гісторыка [[Герман Баўмгартэн|Германа Баўмгартэна]]<ref name="Kaelber"/>{{Зноска|Radkau|2009|Radkau|562—564}}, які паўплываў на рост [[лібэралізм]]у Вэбэра і крытыку дамінаваньня [[Ота фон Бісмарк]]а ў нямецкай палітыцы<ref name="Kaelber"/>{{Зноска|Radkau|2009|Radkau|23}}{{Зноска|MommsenSteinberg|1984|Mommsen & Steinberg|2—9}}. У першыя некалькі гадоў ва ўнівэрсытэце Вэбэр быў сябрам клюбу, які рабіў акцэнт на пітво піва і [[фэхтаваньне]]{{Зноска|Allan|2005|Allan|146}}{{Зноска|Radkau|2009|Radkau|31—33}}. Падчас трэнаваньняў ён атрымаў некалькі дуэльных шнараў на левым баку твару{{Зноска|Kaesler2014|2014|Kaesler 2014|191}}{{Зноска|Kaesler2014|2014|Kaesler 2014|207}}<ref name="Gordon">Gordon, Peter E. (11.06.2020). [https://archive.today/20220616062503/https://www.nybooks.com/articles/2020/06/11/max-weber-fatalist/ «Max the Fatalist»]. The New York Review of Books. Vol. 67, no. 10.</ref>. Ягоная маці была незадаволеная ягонымі паводзінамі і дала яму аплявуху, калі ён вярнуўся дадому пасьля заканчэньня трэцяга сэмэстра ў 1883 годзе. Аднак Вэбэр пасталеў, усё часьцей прымаючы бок маці ў сямейных спрэчках ды усё больш адчужаючыся ад бацькі<ref name="Kaelber"/>{{Зноска|Ritzer|2009|Ritzer|32}}<ref name="Gordon"/>. Пасьля сканчэньня службы, ён яшчэ год вучыўся ва ўнівэрсытэце ў Бэрліне, а потым перавёўся ў [[Гётынген]], дзе скончыў сваю вышэйшую адукацыю ў 1886 годзе{{Зноска|Radkau|2009|Radkau|31—33}}. Адначасова з вучобай займаўся юрыдычнай практыкай і працаваў выкладчыкам{{Зноска|Allan|2005|Allan|146}}{{Зноска|Honigsheim|2017|Honigsheim|101}}<ref>Berman, Harold J.; Reid, Charles J. Jr. (2000). [https://www.cambridge.org/core/books/abs/cambridge-companion-to-weber/max-weber-as-legal-historian/E0C885604B8E7ED34483BC30F2525BAF «Max Weber as Legal Historian»]. In Turner, Stephen (ed.). The Cambridge Companion to Weber. The Cambridge Companions to Philosophy and Religion (First ed.). Cambridge University Press. — С. 221—239. — [[doi:10.1017/CCOL9780521561495.013]]. ISBN 978-0-521-56149-5.</ref>.

У 1886—1893 гадах Макс Вэбэр пасяліўся ў Шарлётэнбургу, прадмесьці Бэрліну, дзе працаваў над сваёй доктарскай дысэртацыяй, якую пасьпяхова абараніў у 1889 годзе. Ягонымі кіраўнікамі на той час былі Левін Гольдшміт і [[Рудольф фон Гнайст]]. Абароненая праца была на тэму гісторыі права і мела назву ''«Разьвіцьцё прынцыпу сумеснай адказнасьці і асобнага фонду агульнага партнэрства хатніх грамадаў і камэрцыйных таварыстваў у італьянскіх гарадах»''. Гэтая праца была выкарыстаная аўтарам як частка большай працы ''«Аб гісторыі камэрцыйных партнэрстваў у Сярэднявеччы на грунце дакумэнтаў Паўднёвай Эўропы»'', якая была апублікаваная ў тым жа годзе{{Зноска|Radkau|2009|Radkau|563}}{{Зноска|Honigsheim|2017|Honigsheim|239}}. Пасьля атрыманьня доктарскай ступені ў 1892 годзе, Макс Вэбэр атрымаў пасаду прафэсара і пачаў выкладаць права ў [[Бэрлінскі ўнівэрсытэт імя Гумбальтаў|Бэрлінскім унівэрсытэце]]. Яшчэ да абароны дысэртацыі Вэбэр выказваў цікавасьць да сучаснай сацыяльнай палітыкі. У 1888 годзе ён далучыўся да [[Зьвяз сацыяльнай палітыкі|Зьвязу сацыяльнай палітыкі]], новага прафэсійнага аб’яднаньня нямецкіх эканамістаў, зьвязаных з гістарычнай школай. Яны бачылі ролю эканомікі перш за ўсё ў пошуку разьвязаньня сацыяльных праблемаў эпохі і сталі піянэрамі буйных статыстычных дасьледаваньняў эканамічных пытаньняў. Ён таксама заняўся палітыкай, далучыўшыся да левага руху [[Эвангельска-сацыяльны кангрэс|Эвангельска-сацыяльнага кангрэса]]{{Зноска|Radkau|2009|Radkau|563}}<ref name="Poggi">Poggi, Gianfranco (2006). [https://books.google.com/books?id=c5a2LWRh7uEC «Weber: A Short Introduction»]{{Недаступная спасылка|date=January 2024 |bot=InternetArchiveBot |fix-attempted=yes }}. Cambridge: Polity. — С. 6. — ISBN 978-0-7456-3489-0.</ref><ref>Mommsen, Wolfgang J. (1992). [https://books.google.com/books?id=kgF9bjMoocYC «The Political and Social Theory of Max Weber: Collected Essays»]. University of Chicago Press. — С. 19. — ISBN 978-0-226-53400-8.</ref>. У 1890 году зьвяз распачаў дасьледчую праграму дзеля вывучэньня польскага пытаньня ў працэсе [[остфлюхт]], якое выяўлялася ў прыбыцьці польскіх сялянаў ува ўсходнюю Нямеччыну, у той час як мясцовыя немцы мігравалі ў гарады Нямеччыны іншых рэгіёнаў, якія хутка індустрыялізаваліся, як то ў [[Рурскі рэгіён]]{{Зноска|Radkau|2009|Radkau|79—82}}. Вэбэр быў прызначаны адказным за дасьледаваньне, склаўшы канчатковую справаздачу, якая атрымала значную ўвагу ды выклікала спрэчкі, паклаўшы пачатак вядомасьці Вебера як навукоўца-сацыёляга<ref name="Poggi"/>{{Зноска|Radkau|2009|Radkau|79—82}}.

[[Файл:Max and Marianne Weber 1894.jpg|значак|Навуковец з сваёй жонкам Мар’янай у 1894 годзе.]]
У 1893 годзе ён ажаніўся з Мар’янай Шнітгер, зь якой навуковец ня меў дзяцей{{Зноска|Allan|2005|Allan|146}}<ref name="Frommer">Frommer, Jörg; Frommer, Sabine (05.1993). «Max Webers Krankheit — soziologische Aspekte der depressiven Struktur»]. Fortschritte der Neurologie: Psychiatrie. 61 (5): 161—171. — [[doi:10.1055/s-2007-999084]]. [PMID 8319927].</ref>. З 1893 па 1899 гады Вэбэр быў сябрам [[Пангерманская ліга|Пангерманскай лігі]], арганізацыі, якая змагалася супраць прытоку польскіх рабочых. Ступень ягонай падтрымкі германізацыі палякаў і падобнай нацыяналістычнай палітыкі працягвае абмяркоўвацца сучаснымі навукоўцамі{{Зноска|MommsenSteinberg|1984|Mommsen & Steinberg|54—56}}<ref>Hobsbawm, Eric (1987). [https://archive.org/details/ageofempire1875100hobs «The Age of Empire, 1875—1914»]. History of Civilization (First ed.). New York: Pantheon Books. — С. 152. — ISBN 978-0-394-56319-0.</ref>{{Зноска|Radkau|2009|Radkau|564—565}}. У 1894 годзе Макс Вэбэр атрымаў пасаду прафэсара на катэдры палітычнай эканоміі ў [[Фрайбурскі ўнівэрсытэт|Фрайбурскім унівэрсытэце]]. Падчас сваёй працы там у 1895 годзе ён прачытаў правакацыйную лекцыю пад назвай ''«Нацыянальная дзяржава і эканамічная палітыка»'', дзе раскрытыкаваў іміграцыю палякаў і абвінаваціў прадстаўнікоў [[юнкерства]] ў заахвочваньні славянскай міграцыі ў сваіх эгаістычных інтарэсах{{Зноска|Radkau|2009|Radkau|125—128}}<ref>Craig, Gordon A. (18.02.1988). [https://archive.today/20210510013219/https://www.nybooks.com/articles/1988/02/18/the-kaiser-and-the-kritik/ «The Kaiser and the Kritik»]. The New York Review of Books. Vol. 35, no. 2.</ref>. Гэта падштурхнула палітыка [[Фрыдрых Наўман|Фрыдрыха Наўмана]] да стварэньня [[Нацыянальна-сацыяльная асацыяцыя|Нацыянальна-сацыяльнай асацыяцыі]], якая яднала хрысьціянска-сацыялістычныя і [[нацыяналізм|нацыяналістычныя]] палітычныя плятформы{{Зноска|Radkau|2009|Radkau|134—135}}{{Зноска|MommsenSteinberg|1984|Mommsen & Steinberg|123—126}}. Вэбэр пэсымістычна ацэньваў здольнасьць асацыяцыі дамагчыся посьпеху. У 1896 годзе навуковец пагадзіўся перайсьці на працу ў Гайдэльбэрскі ўнівэрсытэт. Там ён стаў прафэсарам эканомікі і захапіўся ідэямі нэакантыянскай [[Бадэнская школа|бадэнскай школы]]. Пасьля сьмерці бацькі ў 1897 годзе Макс Вэбэр перажыў цяжкае псыхалягічнае захворваньне, якое на некаторы час спыніла ягоную навуковую кар’еру<ref name="Frommer"/>{{Зноска|Radkau|2009|Radkau|65—69}}.

У 1903 годзе была выдадзеная кніга Вэбэра «''[[Пратэстанцкая этыка і дух капіталізму]]''». У 1912 годзе Макс Вэбэр спрабаваў стварыць левацэнтрысцкую партыю, якая павінна была спалучыць ідэі [[Сацыял-дэмакратызм|сацыял-дэмакратыі]] і [[лібэралізм]]у, але з гэтага нічога не атрымалася.

У 1915 годзе, пад час [[Першая сусьветная вайна|Першай сусьветнай вайны]], Вэбэр стаў дырэктарам вайсковага шпіталю ў Гайдэльбэргу, а пасьля вайны, у 1918 годзе, стаў дарадцам ''Нямецкай камісіі па разбраеньню'', якая працавала над [[Вэрсальская мірная дамова 1919 году|Вэрсалькай мірнай дамовай]]. Браў значны ўдзел у стварэньні Ваймарскай Канстытуцыі, актыўна выступаючы за артыкул 48, які дазваляў кіраваць Нямеччынай падчас выключных сытуацыяў з дапамогай дэкрэтаў, дзякуючы якой, некалькі гадоў пазьней, [[Адольф Гітлер|Гітлер]] змог усталяваць сваю дыктатуру.

Вэбэр вярнуўся ва ўнівэрсытэт у 1918 годзе, атрымаўшы катэдру ў [[Вена|Вене]], а ў наступным годзе атрымаў першую ў Нямеччыне катэдру сацыялёгіі ў [[Мюнхэн]]е. На гэтай пасадзе ён працаваў да самай сьмерці.

Памёр праз [[пнэўманія|запаленьне лёгкіх]] 14 чэрвеня 1920 году.

== Навуковыя працы ==
Асноўнымі навуковымі працамі Макса Вэбэра сталі «''Пратэстанцкая этыка і дух капіталізму''» ({{мова-de|Die protestantische Ethik und der Geist des Kapitalismus|скарочана}}), 1905 год і «''Эканоміка і грамадзтва''» ({{мова-de|Wirtschaft und Gesellschaft|скарочана}}), 1922 год.

== Крыніцы ==
{{Крыніцы|2}}

== Літаратура ==
* {{Кніга
|аўтар         = Allan, Kenneth D.
|частка        = 
|загаловак     = Explorations in Classical Sociological Theory: Seeing the Social World
|арыгінал      = 
|спасылка      = https://archive.org/details/explorationsincl00alla
|выданьне      = 
|месца         = Thousand Oaks, California
|выдавецтва    = Pine Forge Press
|год           = 2005
|том           = 
|старонкі      = 
|старонак      = 
|isbn          = 978-1-4129-0572-5
|ref           = Allan
}}
* {{Кніга
|аўтар         = Honigsheim, Paul
|частка        = 
|загаловак     = The Unknown Max Weber
|арыгінал      = 
|спасылка      = 
|выданьне      = 
|месца         = Abingdon-on-Thames
|выдавецтва    = Routledge
|год           = 2017
|том           = 
|старонкі      = 
|старонак      = 
|isbn          = 978-1-351-30224-1
|ref           = Honigsheim
}}
* {{Кніга
|аўтар         = Kaesler, Dirk
|частка        = 
|загаловак     = Max Weber: An Introduction to His Life and Work
|арыгінал      = 
|спасылка      = https://archive.org/details/maxweberintroduc0000kasl_p3m5
|выданьне      = 
|месца         = Chicago
|выдавецтва    = University of Chicago Press
|год           = 1988
|том           = 
|старонкі      = 
|старонак      = 
|isbn          = 978-0-226-42560-3
|ref           = Kaesler1988
}}
* {{Кніга
|аўтар         = Kaesler, Dirk
|частка        = 
|загаловак     = Max Weber. Preuße, Denker, Muttersohn. Eine Biographie
|арыгінал      = 
|спасылка      = https://books.google.com/books?id=Pa8kAwAAQBAJ
|выданьне      = 
|месца         = Munich
|выдавецтва    = C. H. Beck
|год           = 2014
|том           = 
|старонкі      = 
|старонак      = 
|isbn          = 978-3-406-66076-4
|ref           = Kaesler2014
}}
* {{Кніга
|аўтар         = Mommsen, Wolfgang J.; Steinberg, Michael
|частка        = 
|загаловак     = Max Weber and German Politics, 1890—1920
|арыгінал      = 
|спасылка      = https://archive.org/details/maxwebergermanpo0000momm
|выданьне      = 
|месца         = Chicago
|выдавецтва    = University of Chicago Press
|год           = 1984
|том           = 
|старонкі      = 
|старонак      = 
|isbn          = 978-0-226-53399-5
|ref           = MommsenSteinberg
}}
* {{Кніга
|аўтар         = Radkau, Joachim
|частка        = 
|загаловак     = Max Weber: A Biography
|арыгінал      = 
|спасылка      = 
|выданьне      = 
|месца         = Cambridge
|выдавецтва    = Polity
|год           = 2009
|том           = 
|старонкі      = 
|старонак      = 
|isbn          = 978-0-7456-4147-8
|ref           = Radkau
}}
* {{Кніга
|аўтар         = Ritzer, George
|частка        = 
|загаловак     = Contemporary Sociological Theory and Its Classical Roots: The Basics
|арыгінал      = 
|спасылка      = 
|выданьне      = 2
|месца         = Boston
|выдавецтва    = McGraw Hill
|год           = 2009
|том           = 
|старонкі      = 
|старонак      = 
|isbn          = 978-0-07-340438-7
|ref           = Ritzer
}}

== Вонкавыя спасылкі ==
* [https://archive.org/search.php?query=%28%28subject%3A%22Weber%2C%20Max%22%20OR%20subject%3A%22Max%20Weber%22%20OR%20creator%3A%22Weber%2C%20Max%22%20OR%20creator%3A%22Max%20Weber%22%20OR%20creator%3A%22Weber%2C%20M%2E%22%20OR%20title%3A%22Max%20Weber%22%20OR%20description%3A%22Weber%2C%20Max%22%20OR%20description%3A%22Max%20Weber%22%29%20OR%20%28%221864-1920%22%20AND%20Weber%29%29%20AND%20%28-mediatype:software%29 Працы Макса Вэбэра] на Internet Archive {{ref-en}}.
* [http://www.zeno.org/Soziologie/M/Weber,%20Max Вялікая калекцыя арыгінальных тэкстаў] {{ref-de}}.

{{САРТЫРОЎКА_ПА_ЗМОЎЧВАНЬНІ:Вэбэр, Макс}}
[[Катэгорыя:Нарадзіліся ў Эрфурце]]
[[Катэгорыя:Нямецкія эканамісты]]
[[Катэгорыя:Нямецкія сацыёлягі]]
[[Катэгорыя:Нямецкія юрысты]]
[[Катэгорыя:Памерлі ў Мюнхэне]]
[[Катэгорыя:Вікіпэдыя:Істотныя артыкулы]]