Майкл Томас Бас
Майкл Томас Бас | |
| Michael Thomas Bass, Jr. | |
 Помнік каля заснаванай Басам Цэнтральнай бібліятэкі Дэрбі | |
| Род дзейнасьці | півавар, чалец парлямэнту |
|---|---|
| Дата нараджэньня | 6 ліпеня 1799 |
| Месца нараджэньня | Бэртан-апон-Трэнт |
| Дата сьмерці | 29 красавіка 1884 (84 гады) |
| Занятак | палітык, прадпрымальнік |
| Бацька | Майкл Томас Бас |
| Маці | Сара Госкінз |
| Дзеці | Майкл Бас[d], Гамар Альфрэд Бас[d], Эмілі Фрэнсіс Эн Бас[d][1] і Эліс Джэйн Бас[d][1] |
Майкл То́мас Бас-малодшы (па-ангельску: Michael Thomas Bass, Jr.; 6 ліпеня 1799 — 29 красавіка 1884) — брытанскі півавар, чалец Палаты абшчынаў Вялікабрытаніі з 1847 па 1883 рокі.
Жыцьцяпіс
[рэдагаваць | рэдагаваць крыніцу]Нарадзіўся 6 ліпеня 1799 року ў Бэртан-апон-Трэнце ў сям’і півавараў — уладальнікаў бровару Bass Brewery, заснаванага ў 1777. Маці Майкла, Сара Госкінс (Sarah Hoskins), была дачкой Абрагама Госкінса, вядомага ў Бэртане юрыста[2].
Бас скончыў школу граматы, пасьля вучыўся ў Нотынггэме. Ва ўзросьце 18 гадоў ён далучыўся да сямейнага бізнэсу, а ў 1827 узяў кантроль над кампаніяй. Да 1832-33 кампанія экспартавала 5000 бочак піва, што складала 40% выпуску таго року[3]. Пад кіраўніцтвам Баса вытворчасьць і продажы кампаніі расьлі; 340 000 бочак у 1860 року і каля мільёну ў канцы 1870-х. Да 1881 кампанія мела тры бровары.
Дзейнасьць у парлямэнце
[рэдагаваць | рэдагаваць крыніцу]Упершыню Бас быў абраны ў парлямэнт ад Дэрбі ў 1848 і працягваў абірацца да 1883 року[4]. У ягоным нэкралёгу ў «Brewers Journal» было пазначана, што ён быў болей вядомы ў Палаце абшчынаў за рэгулярныя наведваньні, чымся за подзьвігі ў красамоўі[5]. Ён выступаў у ролі адваката броварнай індустрыі, супраць законапраектаў, накіраваных на барацьбу з алькаголем.
Бас быў лібэралам, які падтрымліваў свабодны гандаль, нізкія падаткі і паляпшэньне ўзроўню жыцьця працоўнае клясы.
Бас быў вядомым мэцэнатам; аўтары ягоных нэкралёгаў абвяшчалі, што ягоныя ахвяраваньні агулам склалі ₤80 000[3], і ён зафундаваў для Дэрбі новую бібліятэку (заснаваную разам з музэем і мастацкай галерэяй Дэрбі), мастацкую школу і да т. п.[6].
Ўільям Гладстан прапаноўваў Басу пэрства, ад якога той адмовіўся, каб мець магчымасьць застацца ў Палаце абшчынаў[3].
Сям’я
[рэдагаваць | рэдагаваць крыніцу]У 1835 Бас ажаніўся з Элізай Джэйн Ардэн (Eliza Jane Arden); яны мелі двух сыноў і дзьвюх дачок.
Старэйшы сын, Майкл Бас, пераняў кіраўніцтва кампаніяй і атрымаў пэрства. Другі сын, Гамар Альфрэд (Hamar Alfred Bass), быў абраны чальцом парлямэнту, але праз праблемы з азартнымі гульнямі быў адхінуты ад кіраўніцтва кампаніяй[3]. Дачка Эмілі выйшла замуж за сэра Ўільяма Плоўдэна, а Аліса — за Джорджа Чэтвуда і стала маці фэльдмаршала Філіпа Чэтвуда[7].
Крыніцы і заўвагі
[рэдагаваць | рэдагаваць крыніцу]- ^ а б Lundy D. R. Michael Thomas Bass // The Peerage (анг.)
- ^ the Peerage.com
- ^ а б в г Oxford Dictionary of National Biography, «Michael Thomas Bass»
- ^ Leigh Rayment
- ^ Brewers Journal 15 May 1884 as cited in the Oxford Dictionary of National Biography «Michael Thomas Bass»
- ^ Derby Council «Michael Thomas Bass»(недаступная спасылка)
- ^ the Peerage.com
Вонкавыя спасылкі
[рэдагаваць | рэдагаваць крыніцу]
Майкл Томас Бас — сховішча мультымэдыйных матэрыялаў