Магнолія кобус

Зьвесткі зь Вікіпэдыі — вольнай энцыкляпэдыі
Перайсьці да навігацыі Перайсьці да пошуку
Magnolia kobus2.jpg
Клясыфікацыя
Надцарства Эўкарыёты
Царства Расьліны
Група Пакрытанасенныя
Кляса Двухдольныя
Падпарадак Магноліякветныя
Сямейства Магноліевыя
Род Магнолія
Бінамінальная намэнклятура
Magnolia kobus DC.

Магнолія кобус, па-лацінску: Magnolia kobus (па-японску: 辛夷 кабусі?) — від кветкавых расьлінаў роду Магнолія (Magnolia) сямейства Магноліевыя (Magnoliaceae).

Распаўсюджаньне й экалёгія[рэдагаваць | рэдагаваць крыніцу]

Арэал віду ахоплівае Японію і Карэю.

Расьце на схілах пагоркаў, уздоўж рэк, часам на нізкіх забалочаных дзялках у супольнасьці з ясенем маньчжурскім (Fraxinus mandshurica) і Magnolia obovata. Буйных памераў сягае ў лясох вострава Хакайда.

Батанічнае апісаньне[рэдагаваць | рэдагаваць крыніцу]

Лістападнае дрэва вышынёй 25—30 м, часам расьце кустападобна, у маладосьці з вузкапірамідальнай, пры плодаваньні з круглява-шатрападобнай кронай. Ствол дыямэтрам 60—70 см, з грубай, крыху баразнаватай, цёмна-бурай, карычневай ці срэбна-шэрай карой. Маладыя галіны жоўта-зялёныя, пакрытыя дробным валосьсем. Парасткі голыя, аліўкава-карычневыя, з рэдкімі карычнева-чырвонымі сачавічкамі.

Раставыя пупышкі яйкападобна-падоўжаныя, даўжынёй 1,2 см, дыямэтрам 0,3 см, каротка абшытыя; кветачныя пупышкі яйкападобныя, ля вяршыні ўцятыя, даўжынёй 2,5 см, дыямэтрам 1—1,5 см. Лісьце шырокаадваротнаяйкападобнае, даўжынёй 10—12 см, шырынёй 4—6 см, на вяршыні каротка завостраныя, з клінападобнай асновай, зьверху інтэнсіўна, зьнізу блякла-зялёныя, сьпярша зьнізу абшытыя, пасьля з абодвух бакоў голыя, або зьнізу па жылках абшытыя. Чаранок тонкі, даўжынёй да 2,5 см.

Кветкі водарныя, малочна-белыя, дыямэтрам 10—12,5 см; зь іх вонкавыя зеленаватыя, яйкападобна-падоўжаныя, даўжынёй 1—1,5 см, шырынёй 0,5 см, хутка ападаюць, унутраныя падоўжана-адваротнаяйкападобныя, даўжынёй 6 см, шырынёй 3 см, з унутранага боку белыя, з вонкавага — з тонкай ружаватай палоскай. Квітнець пачынае празь некалькі гадоў, узрост расквітаньня — між 10 і 30 гадамі.

Плод — цыліндрычная зборная торбачка даўжынёй 8—12 см, сьпярша зялёнага колеру, пазьней набывае чырвона-карычневую афарбоўку, з сонечнага боку ярка-малінавая. Насеньне пакрытае чырвонай абалонкай.

Квітнее ў красавіку — траўні, да зьяўленьня лісьця. Плодаваньне ў верасьні — кастрычніку.

Колькасьць храмасомаў складае 2n=38.

Крыніцы[рэдагаваць | рэдагаваць крыніцу]

Літаратура[рэдагаваць | рэдагаваць крыніцу]

  • D. J. Callaway: The World of Magnolias. Timber Press, Portland Or 1994, S.154ff. ISBN 0-88192-236-6

Вонкавыя спасылкі[рэдагаваць | рэдагаваць крыніцу]

Commons-logo.svg Магнолія кобуссховішча мультымэдыйных матэрыялаў